Në një ceremoni solemne në presidencë, kreu i shtetit Rumen Radev nderoi tenistët Ivan Ivanov dhe Aleksandër Vasilev me pllaka nderi. Ivan Ivanov fitoi titullin junior në turneun e tenisit Wimbledon të këtij viti. Aleksandër Vasilev, gjysmëfinalist në kategorinë e juniorëve në British Open, gjithashtu mori një nderim nga presidenti, raportoi BNR "Horizont".
Një javë më parë, 16-vjeçari Ivan Ivanov fitoi titullin me lojë të shkëlqyer dhe pa humbur asnjë set. Kështu, ai përsëriti suksesin e Grigor Dimitrov, i cili fitoi titullin e juniorëve në vitin 2008. Zyrtarisht, Ivan Ivanov është nr. 1 në renditjen botërore të azhurnuar për juniorët nën 18 vjeç. Aleksandër Vasilev u ngjit në vendin e katërt në renditje.
"Arritja juaj e kryesimit të renditjes botërore është një sukses i jashtëzakonshëm. Është një dëshmi jo vetëm e cilësive, vullnetit, talentit dhe përkushtimit tuaj të pamohueshëm. Unë gjithashtu e gjej atë një shprehje të shpirtit të fortë dhe të pathyeshëm bullgar dhe vullnetit për të fituar", tha presidenti.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: BTA
Federata Ndërkombëtare e Volejbollit (FIVB) shpalli programin e ndeshjeve eliminatore të ardhshme në Kampionatin Botëror që po zhvillohet në Filipine. Në kuadër të tyre, ekipi kombëtar i Bullgarisë do të përballet me Portugalinë. Ndeshja do të..
Kombëtarja e volejbollit të Bullgarisë siguroi vendin e parë në grupin E të Kampionatit Botëror që po zhvillohet në Filipine, pasi fitoi edhe ndeshjen e tretë të fazës së grupeve. Në Manilë, bullgarët të drejtuar nga trajneri italian Gianlorenzo..
Nënkampioni ynë 18-vjeçar në Formula 3 për sezonin 2025, Nikolla Collov, do të garojë vitin e ardhshëm në Formula 2 me ekipin me të cilin arriti sukseset më të mëdha – Campos Racing. Në vitin 2022, Nikolla fitoi titullin në Formula 4 spanjolle me..
Vranësira të dendura
Pjesërisht me re
Mot i kthjellët