Korrja e grurit është përfunduar në 80%. Me një rendiment mesatar prej 586 kg për hektar, janë korrur pothuajse 5.8 milion ton grurë. Mbi 1 milion ton elb janë korrur, me 95 përqind të sipërfaqeve të korrura  dhe mbi 220 000 ton fara kolze, me 78% të të korrave. Kjo u tha nga Zëvendës Ministri i Bujqësisë, Janisllav Jançev, gjatë festës "Dita e Fushës" pranë Ballçikut.

Për Jançevin, cilësia e të korrave të vjeshtës është shumë e mirë dhe rendimentet janë të mira. "Ky nuk është rasti me të korrat e pranverës - misri dhe luledielli. Thatësira e madhe në qershor do të ketë një ndikim vërtet fatal në rendimente. Ne presim që disa fermerë atje të mos jenë në gjendje të marrin prodhimin e duhur", shtoi Zëvendës Ministri. Ai u bëri thirrje fermerëve të ristrukturojnë bizneset e tyre me ndihmën e mundësive në BE për shkak të ndryshimeve klimatike, njoftoi Ministria e Bujqësisë.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: mzh.government.bg