Është shpallur prokurimi publik për 2.4 km e fundit të linjës hekurudhore nga Gjueshevo në Maqedoninë e Veriut dhe për seksionin Sofje - Radomir. Vlera e tenderëve është mbi 279 milionë euro, dhe afati i përfundimit është viti 2029, njoftoi Ministria e Transportit.

Kompania Kombëtare "Infrastruktura Hekurudhore" saktësoi se prokurimi publik për rrugën e re hekurudhore nga Gjueshevo deri në kufirin me Maqedoninë e Veriut, e cila është e vetmja pjesë që mungon e Korridorit Hekurudhor Nr. 8 në territorin bullgar, përfshin projektimin dhe ndërtimin e një linje hekurudhore prej 2.4 km dhe rindërtimin e stacionit hekurudhor të Gjueshevos, i cili do të bëhet një stacion kufitar pasagjerësh dhe mallrash për Shengenin. 420 m e fundit të rrugës janë të ndara si një pikë e veçantë në tender, sepse ndërtimi i tyre do të fillojë pas përfundimit të ndërtimit të tunelit ndërkufitar.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BTA