Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Pengesat për sipërmarrësit në Bullgari janë mjedisi i pasigurt dhe mungesa e fuqisë punëtore

Foto: BGNES

Treguesi i përgjithshëm i klimës së biznesit në Bullgari gjatë muajit gusht mbetet pothuajse në të njëjtin nivel si muajin e kaluar – nga 20.6% në 20.2%, njoftoi BGNES duke cituar të dhëna nga Instituti Kombëtar i Statistikave. Pengesat kryesore për zhvillim janë mjedisi ekonomik i pasigurt dhe mungesa e fuqisë punëtore.

Në ndërtim, sipërmarrësit shtojnë edhe rritjen e çmimeve të materialeve si një problem shtesë. Në sektorin e ndërtimit, klima e biznesit gjatë gushtit bie me 3.0 pikë përqindje (nga 27.9% në 24.9%). Pritshmëritë e sipërmarrësve në ndërtim për 3 muajt e ardhshëm janë që çmimet e shitjes të rriten.

Në sektorin e tregtisë me pakicë, gjithashtu ka një rënie me 1.4 pikë përqindje (nga 25.0% në 23.6%), për shkak të vlerësimeve rezervuara të tregtarëve për gjendjen e ndërmarrjeve të tyre. Megjithatë, parashikimet e tyre për volumin e shitjeve dhe për porositë ndaj furnitorëve në 3 muajt e ardhshëm përmirësohen. Sa i përket çmimeve të shitjes, 87.3% e tregtarëve me pakicë presin që ato të mbeten në të njëjtin nivel gjatë 3 muajve të ardhshëm.

Në sektorin e shërbimeve, klima e biznesit u rrit me 0.8 pikë përqindje (nga 15.1% në 15.9%). Shumica e sipërmarrësve në këtë sektor nuk parashikojnë ndryshime në çmimet e shitjes deri në fund të vitit.


Redaktoi: Darina Grigorova

Përgatiti në shqip dhe publikoi: Svetllana Dimitrova

Foto: BGNES




Последвайте ни и в Google News Showcase, за да научите най-важното от деня!

Më shumë nga rubrika

Bojko Borisov

Sipas shumicës në pushtet, protestat nuk do ta ndalin vendin në rrugën drejt eurozonës

Lideri i GERB-it, Bojko Borisov, deklaroi në korridoret e parlamentit se Bullgaria do të bëhet anëtare e eurozonës më 1 janar, pavarësisht protestave të organizuara nga përfaqësues të PP-DB. Ai komentoi thirrjet e opozitës për protesta kundër..

botuar më 25-11-26 11.47.PD

Kryeministri mbështeti planin e paqes për Ukrainën para “Koalicionit të të gatshmëve“

Kufijtë nuk mund të ndryshohen me forcë dhe siguria afatgjatë e Ukrainës duhet të garantohet. Këtë e deklaroi kryeministri Rosen Zheljazkov në një videokonferencë të “Koalicionit të të gatshmëve“, të udhëhequr nga presidenti i Francës, Emmanuel..

botuar më 25-11-26 9.34.PD

Projektbuxheti - 2026 nxjerr pakënaqësinë në rrugë

Shoqata e Kapitalit Industrial në Bullgari ka lëshuar një thirrje për pjesëmarrje në një protestë më 26 nëntor kundër buxhetit për vitin 2026, i cili është gati të miratohet në lexim të dytë. "U bëjmë thirrje jo vetëm anëtarëve tanë, por edhe të..

botuar më 25-11-26 6.00.PD