Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një spektakël i rrallë qiellor – Hëna e Kuqe ndriçon qiellin e natës mbi Bullgari

Foto: Pixabay

Në mbrëmjen e së dielës, më 7 shtator, qielli do të na ofrojë një spektakël të jashtëzakonshëm të njohur si Hëna e Kuqe. Bëhet fjalë për një eklips total hënor, gjatë të cilit Hëna do të marrë nuanca të zjarrta portokalli dhe të kuqe. Ky eklips ndodh vetëm disa ditë para se Hëna të arrijë perihelionin – pikën më të afërt me Tokën në orbitën e saj – prandaj do të duket pak më e madhe se zakonisht.

Rreth 36% e diametrit të Hënës do të kalojë nëpër pjesën më të errët të hijes së Tokës, duke krijuar një eklips të thellë dhe me ngjyra të pasura. Në Bullgari, fenomeni do të mund të shihet nga ora 18:28 deri në 23:55 me orën lokale, ndërsa faza e plotë do të arrijë kulmin rreth orës 21:12 dhe do të zgjasë për rreth një orë e njëzet minuta, para se Hëna të largohet ngadalë nga hija.

Dhe ka ndonjë vend më të bukur për të parë këtë fenomen se sa në periferi të malit Rila, ku ajri është i pastër dhe yjet shkëlqejnë më afër e më ndritshëm? Pikërisht atje, në fshatin piktoresk Beli Iskër, për herë të parë më 7 shtator do të mbahet Festivali i Hënës – një festë e muzikës, miqësisë dhe shpirtit të lirë.

Nën dritën e këtij qielli të pazakontë do të dëgjohen stile të ndryshme muzikore – nga rock, blues dhe hip-hop deri te jazz, muzikë klasike dhe etno-fusion. Publiku do të përfshihet në një udhëtim muzikor shumëngjyrësh me artistë nga Bullgaria dhe bota, ndërsa për mbyllje, Ivan Shopov do të ndërthurë folklorin, jazz-in dhe ritmet elektronike në një përvojë të paharrueshme kërcimi.

Përpiloi: Veneta Nikollova
Përgatiti në shqip dhe publikoi: Kostandina Bello
Foto: ixabay, balkannews.bg



Последвайте ни и в Google News Showcase, за да научите най-важното от деня!

Më shumë nga rubrika

76% e të rinjve në Evropë janë të ekspozuar ndaj dezinformimit – cila është situata në Bullgari

Çështja e informacionit cilësor dhe të saktë ka qenë gjithmonë jashtëzakonisht e rëndësishme, por a mos vallë tashmë jemi përballë një problemi që paraqet rrezik për përhapjen globale të lajmeve të rreme në të ardhmen? Sipas një studimi të Eurobarometrit,..

botuar më 25-09-27 8.05.PD
Facebook/Fondacioni

Mjekët bullgarë kryejnë konsulta mjekësore në fshatin shqiptar Pustec

Mjekë nga institucionet mjekësore bullgare po ekzaminojnë pacientë në fshatin shqiptar Pustec, njofton Ambasada e Bullgarisë në Tiranë . Iniciativa po zhvillohet falë organizimit dhe financimit të fondacionit “Kujtesa Bullgare” dhe themeluesit..

botuar më 25-09-26 8.59.MD

Vetëm 10% e fëmijëve të privuar nga kujdesi prindëror kanë leje për birësim

Aktualisht, nga gati 8000 fëmijë të privuar nga kujdesi prindëror, vetëm 850 kanë leje për birësim të plotë. Kjo u njoftua nga Zëvendësministri i Punës dhe Politikës Sociale Ivan Krëstev në një tryezë të rrumbullakët në Sofje, duke sakëtsuar se nga..

botuar më 25-09-26 5.06.MD