Krutmaç – dashuri me kafshatën e parë në fshatin Krepost

botuar më 25-09-07 8.20.PD

Foto: Facebook/Dobrina Delcheva

Fshati Krepost, komuna e Dimitrovgradit, do të shndërrohet në kryeqytetin kulinar të traditave më 7 shtator 2025, kur do të mirëpresë një nga ngjarjet më aromatike të kulinarisë bullgare – Festa e Krutmaçit. Bëhet fjalë për një djathë autentik bullgar, i përgatitur sipas një teknike të lashtë nga qumështi i deles, me një shije karakteristike të thartë, të kripur dhe të mprehtë.

Familja e Kirill dhe Dobrina Dellçev ka ringjallur këtë traditë pothuajse të harruar dhe do të ndajë sekretet e përgatitjes së krutmaçit. Vizitorët do të kenë mundësinë të shohin nga afër procesin e përgatitjes, të shijojnë specialitete të tjera vendase si djathë në qyp, djathë në enë baltë, si dhe të ndjekin demonstrime të gjalla nga mjeshtra të përgatitjes së djathit nga rajoni.

Gjatë festës në fshatin Krepost, aroma e gatimeve tradicionale do të përzihet me tingujt e këngëve popullore bullgare. Do të ketë mundësi për degustime dhe kontakte me prodhues lokalë të djathërave dhe produkteve të tjera natyrale. Festivali ka për qëllim të ofrojë një udhëtim të paharrueshëm në botën e kulinarisë bullgare dhe traditave, të cilat ruhen me kujdes në këtë rajon të bukur.

Përpiloi: Veneta Nikollova

Përgatiti në shqip dhe publikoi: Kostandina Bello

Foto: Facebook/Dobrina Delcheva

Последвайте ни и в Google News Showcase, за да научите най-важното от деня!

Ndaje

Krutmaç – dashuri me kafshatën e parë në fshatin Krepost

Më shumë nga rubrika

Heraklea Sintika – qyteti antik që lidh natyrën dhe shkencën

Fasule, salsiçe dhe folklor – një festë shumëngjyrëshe dhe e shijshme në fshatin Zhitnica

Turizmi i verës do ta vendosë Bullgarinë si një destinacion gjatë gjithë vitit

Fasule, salsiçe dhe folklor – një festë shumëngjyrëshe dhe e shijshme në fshatin Zhitnica

Heraklea Sintika – qyteti antik që lidh natyrën dhe shkencën