Po hapet një Institut për Diasporën Bullgare dhe Trashëgiminë Kulturore Jashtë Vendit në Universitetin e Shkencave të Bibliotekave dhe Teknologjive të Informacionit. Qeveria e hap njësinë me kërkesë të rektorit të institucionit të arsimit të lartë pas një vendimi të Këshillit Akademik.

Instituti do të kryejë kërkime në lidhje me historinë dhe kulturën e diasporës historike dhe bashkëkohore bullgare jashtë vendit, dhe do të studiojë çështjet aktuale të komuniteteve bullgare atje në lidhje me zgjerimin e veprimeve të shtetit dhe sektorit civil.

Është planifikuar që instituti të tërheqë studentë nga komunitetet bullgare për trajnim për bachelor dhe master, si dhe studentë pasuniversitarë dhe doktorantë.

Ndër qëllimet kryesore të Institutit janë bashkëpunimi i drejtpërdrejtë midis autoriteteve shtetërore dhe publike dhe Universitetit të Shkencave të Bibliotekave dhe Teknologjive të Informacionit, si dhe kërkimi mbi mekanizmat funksionalë për ruajtjen e identitetit midis bullgarëve jashtë vendit.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: unibit.bg