Vendi do të pajiset me sisteme të veta kundër dronëve. Ato do të blihen nga Ministria e Mbrojtjes përmes një huaje të marrë në kuadër të Mekanizmit Evropian për Investime në Mbrojtje – SAFE. Këtë e sqaroi në një përgjigje me shkrim ministri i mbrojtjes, Atanas Zaprjanov, duke iu përgjigjur një pyetjeje të deputetit Daniell Llorer. Pyetja u shtrua vetëm pak ditë para se të shpallet nisma e Bashkimit Evropian për të krijuar një “mur dronësh” përgjatë kufijve lindorë të Unionit. Përveç Bullgarisë, në këtë projekt do të përfshihen edhe Danimarka, Estonia, Finlanda, Letonia, Lituania, Polonia, Rumania, Sllovakia dhe Ukraina – vende që ndodhen në vijën e parë përballë Rusisë.

Me urdhër të shefit të Shtabit të Përgjithshëm të Ushtrisë, admiral Emill Eftimov, forcat ushtarake tashmë janë duke vëzhguar dhe patrulluar hapësirën ajrore të Bullgarisë edhe për zbulimin e dronëve, dhe janë në gatishmëri për identifikimin e shpejtë të këtyre objekteve, sqaron ministri në përgjigjen e tij drejtuar Llorerit.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: Ministria e Mbrojtjes