Papi Hans po ngroh vjeshtën e ftohtë me këngën e tij të re me ritme latine “E pafajshme”. Ajo vjen pas një serie baladash dhe është kënga e parë nga albumi i tij i ardhshëm, i cili do të quhet simbolikisht “Dielli”. Sipas këngëtarit, ky do të jetë një album që mund të ringjallë edhe të vdekurit – një album energjik dhe i gjallë që do t'i bëjë njerëzit të kërcejnë.

Ashtu si shumica e videove të Papi Hans, ajo për “E pafajshme” është e jashtëzakonshme. Regjisori është Zhoro Peev, dhe operatori i ekranit është Nanjo Nanjov. I xhiruar në stilin e një filmi klasik meksikan, videoja paraqet aktoren e Teatrit Kombëtar Zhaklin Daskallova në rolin kryesor femëror.

“E pafajshme” shfaqet vetëm një javë pasi Papi Hans njoftoi koncertin e tij të madh të ardhshëm më 30 maj të vitit tjetër në sallën më të madhe në kryeqytet – Arena Sofja.

Përgatiti në shqip dhe publikoi: Vesella Mançeva

Foto: Virginia Records