Vërehet një tendencë e qëndrueshme për kthimin e bullgarëve nga jashtë, u bë e ditur gjatë forumit “Evropa është me mua”, organizuar nga Autoriteti Menaxhues i Programit “Zhvillimi i burimeve njerëzore” pranë Ministrisë së Punës dhe Politikës Sociale, njoftoi BTA. Vendimi për t’u kthyer bazohet në vlerësimin se situata në vendin tonë ofron një mënyrë më normale jetese.

“Dy-tre muaj para se të shpallnim programin “Zgjedh Bullgarinë”, nisëm të merrnim çdo ditë dhjetëra email-e nga bullgarë që kishin vendosur të ktheheshin ose që po e mendonin seriozisht kthimin bashkë me familjet e tyre”, deklaroi Cvetan Spasov, drejtuesi i programit. Sipas tij, këta qytetarë shtrojnë pyetje serioze – jo vetëm për mbështetje nga shteti, por edhe për përfshirjen e fëmijëve të tyre në sistemin arsimor dhe për shërbimet shëndetësore.

Më shumë se 2600 persona kanë dorëzuar kërkesa për t’u kthyer në atdhe, bëri të ditur drejtori ekzekutiv i Agjencisë së Punësimit, Smilen Vëllov. Ai shtoi se jeta jashtë vendit nuk është më aq tërheqëse për bashkatdhetarët tanë.

Lexoni më shumë mbi temën në arkivin e Radio Bullgarisë:

• "Bulgaria Wants You" dhe nevoja emocionale e bullgarëve për t'u kthyer në atdhe

• Interes rekord për programin "Unë Zgjedh Bullgarinë" të drejtuar për bullgarët jashtë vendit

• Shumica e të rinjve tashmë e shohin zhvillimin e tyre JO jashtë vendit, por në Bullgari

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: BTA