Instituti për Shkencat Kompjuterike, Inteligjencën Artificiale dhe Teknologjitë (INSAIT) pranë Universitetit “Shën Klimenti i Ohrit” njoftoi lansimin e SPEAR-1 – një model bazë të inteligjencës artificiale, i cili u jep robotëve një kuptim tredimensional (3D) të jashtëzakonshëm të hapësirës. Kjo teknologji është e hapur dhe do të jetë falas për studiuesit dhe kompanitë nga e gjithë bota. “Kjo është një hap i rëndësishëm drejt një të ardhmeje ku robotët do të jenë pjesë e shtëpive, fabrikave dhe qyteteve tona”, deklarojnë nga instituti, transmeton BGNES.

Lajmi ka zënë vend kryesor në shumë media ndërkombëtare, dhe parashikohet që kjo teknologji mund të sjellë ndryshime të mëdha në shkallë globale. Deri tani modele kaq precize për robotikën janë zhvilluar vetëm nga kompani me miliarda dollarë kapital, shumë prej të cilave mbajnë teknologjinë e tyre sekrete. Hapja e këtij modeli për botën mund të japë një shtysë të re në zhvillimin e robotëve që funksionojnë jashtëzakonisht mirë në mjedisin përreth.

Me zhvillimin e SPEAR-1, INSAIT forcon rolin e Evropës si një qendër udhëheqëse për inovacion në robotikë dhe llogaritje 3D. Pas projektit qëndrojnë: Nikollaj Nikollov, Xhuliano Albaneze, Sombit Dej, Aleksandër Janev, prof. Luk Van Gool, Dr. Jan-Nico Zaech dhe dr. Danda Paudel.

Lexoni më shumë në arkivin e Radio Bullgarisë:

• Kryeministri përshëndeti bursistët e rinj të institutit INSAIT në Sofje

• Instituti INSAIT në Sofje është bashkëorganizator i një konkursi në SHBA për inteligjencën artificiale

• INSAIT dhe Instituti i Teknologjisë në Masaçusets do të punojnë së bashku në fushën e inteligjencës artificiale

• Mbi 4000 studentë nga e gjithë bota duan një stazh në institutin INSAIT në Sofje

• Bullgaria është e para në BE që realizoi inteligjencën artificiale të nivelit të lartë në gjuhën e saj

• Instituti bullgar INSAIT hyri në Aleancën globale të "Meta" dhe IBM për krijimin e inteligjencës artificiale

• Prej 3 vitesh INSAIT e pozicionon Bullgarinë në hartën teknologjike të botës