Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Pikturo me dritë dhe kontrollo robotët në muzeun e ri të Sofjes!

3
Foto: BTA

Sofja ka fituar një parajsë të re kulturore. Phenomena është muzeu i parë në Bullgari i dedikuar lidhjes midis shkencës dhe artit. Hapësira paraqet zbulime shkencore, teknologji, inxhinieri, art dhe matematikë në frymën e arsimit STEAM (Science, Technology, Engineering, Art, Mathematics). Koncepti bashkon mbi 100 ekspozita interaktive, të vendosura në një sipërfaqe prej 500 metrash katrorë. Vizitorët mund të "pikturojnë me dritë", të kontrollojnë robotët, të krijojnë muzikë përmes lëvizjes dhe të zhyten në laboratorë ku shkenca merr jetë përmes instalimeve vizuale. Për më të vegjlit, ekziston një zonë e veçantë për fëmijë ku mund të bëjnë eksperimente në fizikë dhe biologji, të paraqitura në një mënyrë interesante dhe të arritshme.

Qëllimi i muzeut është të zgjojë kuriozitetin për botën e shkencës përmes lojës, përvojës dhe kreativitetit. Hapësira funksionon gjithashtu si një skenë për koncerte, shfaqje shkencore dhe leksione me pjesëmarrjen e mysafirëve nga Bullgaria dhe jashtë vendit.

Phenomena është e hapur çdo ditë nga ora 10:00 deri në 20:00, ndërsa biletat janë në dispozicion në internet. Muzeu ndodhet në adresën bulevardi "Knjaginja Maria Luiza" Nr. 11. Ideja është e dizajnerit dhe studiuesit Mirjan Kostadinov, i cili krijoi projektin e parë të këtij lloji në Bullgari, të frymëzuar nga muzetë moderne interaktive në të gjithë botën, siç është legjendari Exploratorium në San Francisko.

Lexoni më tepër:
Përpiloi: Veneta Nikollova

Përgatiti në shqip dhe publikoi: Kostandina Bello

Foto: BTA, phenomenamuseum.eu 



Последвайте ни и в Google News Showcase, за да научите най-важното от деня!

Galeria

Më shumë nga rubrika

Foto: Shkolla Shën Kirill dhe Metodij në Athinë

Në Athinë po diskutohet lidhja midis inteligjencës artificiale dhe mësimdhënies

"Ne nuk mund të ikim nga teknologjitë bashkëkohore, por duhet të mendojmë si mund të përdorim inteligjencën artificiale në mënyrë që të përmirësojmë cilësinë e arsimit pa humbur kontaktin njerëzor" – tha në një intervistë të veçantë për Radio Bullgarinë..

botuar më 25-10-31 8.00.PD
Festa Monstruoze 2023

Festë "Monstruoze" në Kopshtin e Doktorit

Një "errësirë" dhe argëtim i pazakontë mbretëron në Kopshtin e Doktorit pas Bibliotekës Kombëtare "Shën Kirill dhe Metodij" në Sofje. Hapësira është transformuar në një vend urban të frikshëm, por tërheqës, kushtuar Halloween-it, dhe këtë vit festa zgjat..

botuar më 25-10-31 5.10.PD

U miratuan fondet për veprimtarinë e shoqatave bullgare jashtë vendit gjatë vitit 2025

Qeveria miratoi një program të ri për mbështetjen e organizatave të komuniteteve bullgare në Shqipëri, Serbi, Kosovë, Ukrainë dhe Moldavi, si dhe të qytetarëve nga Maqedonia e Veriut me vetëdije bullgare, për periudhën 15 tetor 2025 – 31 dhjetor 2029,..

botuar më 25-10-30 8.28.PD