Bullgaria mbështetet te përpjekjet e konsujve të nderit nga e gjithë bota në vendin tonë për të kontribuar në hapjen e partneriteteve të reja në sferat e ekonomisë, tregtisë, inovacionit, arsimit, turizmit. Vendi ynë mund të jetë më i dukshëm duke rivendosur pozicionet e tij dhe duke ndërtuar bashkëpunime të reja brenda dhe jashtë vendit në kushtet e një mjedisi dinamik gjeopolitik. Kjo u tha nga Presidenti Rumen Radev në një takim sot, 3 nëntor, në Presidencë me udhëheqjen e Shoqatës së Konsujve të Nderit në Bullgari, përfshirë përfaqësues të mbi 50 vendeve, në disa prej të cilave vendi ynë nuk ka përfaqësim diplomatik.

Sipas Radev, sfidat në ekonominë globale kërkojnë rritjen e qëndrueshmërisë së partneriteteve ekzistuese, por edhe diversifikimin në marrëdhëniet ekonomike dhe tregtare, në fushën e energjisë dhe turizmit. Presidenti shtoi se është e rëndësishme që Bullgaria të rifillojë partneritetet e saj me vendet dhe rajonet me të cilat ka pasur marrëdhënie dypalëshe të gjata. Ndër fushat premtuese për bashkëpunim u vunë në dukje turizmi, arsimi dhe teknologjitë e informacionit, dhe u theksua se me specialistët e saj të suksesshëm, vendi ynë po etablohet si një qendër IT në Evropën Juglindore.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: president.bg