Në Pallatin Sinodal, Patriarku bullgar Daniel u takua me grupin parlamentar të "BSP - E Majta e Bashkuar". Delegacioni i socialistëve u kryesua nga Zëvendëskryeministri dhe Kryetari i BSP-së Atanas Zafirov, njoftoi Sinodi i Kishës Ortodokse Bullgare.

Ata diskutuan projektligjin e miratuar në leximin e parë në parlament për futjen e lëndës "Virtytet dhe Fetë" si lëndë e detyrueshme në shkolla.

Zafirov dhe deputetët ndanë çështjet e diskutimit që lindën gjatë takimeve të tyre me njerëzit në zonat e tyre zgjedhore. U komentuan personeli i mësimdhënies, kurrikulat dhe afatet për futjen graduale të lëndës.

Të dyja palët u bashkuan rreth mirëkuptimit se lënda "Virtytet dhe Fetë" do të kontribuojë në edukimin më të mirë të personaliteteve dhe qytetarëve të plotë, raporton BTA.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: Pexels