Të shtunën temperaturat minimale do të jenë nga 0 deri në 5°, në Sofje – rreth 0°. Gjatë 24 orëve të ardhshme nuk pritet ndryshim në situatën sinoptike. Gjatë ditës do të jetë kryesisht me diell. Në Rrafshinën e Danubit do të ketë mjegull, ndërsa gjatë natës dhe deri paradite mjegull do të ketë edhe në luginat e lumenjve të Bullgarisë Jugore. Era pothuajse nuk do të fryjë. Temperaturat maksimale do të jenë nga 13 deri në 18°, në kryeqytet rreth 16°.

Në bregdetin e Detit të Zi moti do të jetë me diell. Temperaturat maksimale të ajrit do të jenë 14-16°. Temperatura e ujit të detit 16-17°. Dallgëzimi i detit do të jetë rreth 1-2 ballë.

Në male moti do të jetë me diell, me erë të lehtë nga veriperëndimi. Temperatura maksimale në lartësi 1200 m do të jetë rreth 15°, ndërsa në 2000 m rreth 9°.

Të dielën moti do të jetë pothuajse i qetë, ndërsa në rajonet lindore do të fryjë erë të lehtë jugore. Temperaturat do të rriten dhe minimalet do të jenë mes 3 dhe 8°, ndërsa maksimalet – mes 16 dhe 21°. Në ultësira dhe fushat pranë baseneve ujore do të ketë mjegull më të qëndrueshme. Në male moti do të jetë relativisht i ngrohtë, me vranësira të larta të shpërndara deri në mot me diell.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: Elena Karkallanova