Udhëheqësi i "Po e Vazhdojmë Ndryshimin" (PP) Asen Vasilev e përshkroi përzgjedhjen e Rumen Specovit si menaxher special në Lukoil si një "shaka të keqe".

• Rumen Specov është propozimi për menaxher special të "Lukoil Bullgaria"

"Rumen Specov u emërua për të mbledhur taksat, jo për të menaxhuar një rafineri. Ekziston një kërkesë në ligj nga viti 2023 që menaxheri special duhet të ketë 5 vjet përvojë në industrinë e naftës dhe menaxhimin e aseteve në këtë industri. Nuk mendoj se z. Specov i ka ato, kështu që sipas mendimit tim kjo është një lloj shakaje mjaft e keqe nga qeveria, dhe jo një kandidaturë e vërtetë për një menaxher special", komentoi Vasilev.

Specov ishte drejtor i Agjencisë Kombëtare të të Ardhurave nga muaji maj 2021 deri në gusht 2022, dhe përsëri nga qershori 2023 deri më sot. Në vitin 2021 ai drejtoi agjencinë, kur Asen Vasilev ishte ministër i përkohshëm i financave. Sipas Vasilev, pasi është larguar nga ministria, ai nuk ka pasur kontakt me Specov.

Lexoni më tepër në arkivin tonë:

• Parlamenti kapërceu veton e presidentit mbi ndryshimet që përkojnë “Lukoil”

• Komisioni për Energjetikë në Kuvendin Popullor hodhi poshtë veton presidenciale kundër menaxherit të posaçëm të “Lukoil”

• Presidenti vendosi veton ndaj ndryshimeve ligjore për menaxherin e veçantë në "Lukoil"

Përgatiti në shqip dhe publikoi: Vesella Mançeva

Foto: BTA