Muzikantët e Grupit “Horizont” dhe këngëtarja Mariana Popova regjistruan një këngë të përbashkët – “Pa ty”.
“E njohim Marianën që nga koha kur ajo këndonte në një grup shumë të fortë “Kokomania”. Që atëherë na është bërë e preferuara jonë – me ngjyrimin e zërit të saj, me praninë skenike, me energjinë … Për më tepër se ajo e ka rock and roll-in në shpirt” – thotë vokalisti i grupit “Horizont”, Valeri Sllavçev.

Moment i duhur për bashkëpunim erdhi pikërisht tani – dhe megjithëse kënga është një baladë, Mariana i jep pikërisht atë ndjesi dhe emocion rock and roll-i. Edhe vetë Mariana Popova nuk e fsheh se rock and roll-i ka qenë gjithmonë pjesë e thelbit të saj.

“Në fakt, Mariana Popova është shumë më tepër rock and roll sesa estradë. Ashtu siç tha edhe Valeri, unë kam kënduar shumë rock me “Kokomania”. Madje në repertorin tonë këngët pop ishin shumë më pak se ato rock. Dhe unë e dua shumë atë rock! Unë jam, para së gjithash, rock and roll – e pastaj gjithçka tjetër.”
“Pa ty” tashmë u vlerësua në një konkurs. Në edicionin e fundit të Festivalit të Muzikës Pop dhe Rock “Sofja”, kënga fitoi çmimin e parë.”
Lexoni më shumë nga koleksioni i Radio Bullgarisë:
Përgatiti në shqip dhe publikoi: Svetllana Dimitrova
Foto: YouTube /Grupi HORIZONT, arkiv, Radio Stara Zagora
Grupi JazzBoree vazhdon linjën e përzierjes së folklorit bullgar me mjete shprehëse tipike të xhazit. Muzikantët e formacionit gjejnë kryqëzimin midis folklorit dhe xhazit pikërisht në lirinë e interpretimit - kjo është pikërisht ajo që dëgjojmë në..
Dyshja e njohur së fundmi "Molec" do të prezantojë albumin e saj të ri "Paraklis" (“Kishëza”) me dy koncerte në Sallën 1 të Pallatit Kombëtar të Kulturës (NDK) në Sofje - më 4 dhe 5 nëntor. Këngët do të interpretohen në aranzhime akustike të krijuara..
E vumë re Momçill Kosevin që gjatë njohjes sonë me grupin SoulBmoll, ku ai është kitarist, vokalist dhe autori kryesor i këngëve të tyre. Muzikantët e grupit janë të dashur jo vetëm për publikun, por edhe për një sërë yjesh vendas që bashkëpunojnë me..