Hite roku me tekste dhe mesazhe serioze me të cilat është rritur më shumë se një brez – kjo është ajo që gjejmë në albumin e ri të grupit "Faktor", të titulluar "Kundër Kohës". Dhe koha duket se po punon në favorin e tyre, dhe për më shumë se gjysmë shekulli. Provë për këtë ishte publiku i madh në Sallën 1 të Pallatit Kombëtar të Kulturës në Sofje në koncertin e madh të "Faktor" në vitin 2024 – albumi i ri paraqet regjistrimin e këtij koncerti. Ai përmban këngë nga fillimi i grupit dhe nga periudha e tij yjore – vitet 1980. Përfshihet edhe një këngë e re, e titulluar në mënyrë emblematike "Kthimi" – në fakt, grupi nuk ka pushuar së ekzistuari, por tani po kthehet në një aktivitet aktiv koncertesh, sepse takimet me publikun e tyre janë më të rëndësishmet për muzikantët.

Sipas Vasill Stojanovit – vokalistit të ri në “Faktor”, grupi i hard rokut nr. 1, i pari në Bullgari, është “Faktor”. Dhe ata vazhdojnë të këmbëngulin në cilësinë e lartë të muzikës – albumi i dyfishtë live u miksua dhe u prodhua në Britaninë e Madhe – atdheun e rock and rollit.
Mesazhet e vlefshme mbeten gjithashtu shumë të rëndësishme për muzikantët – autori i tekstit në këngën e re “Kthimi” është përsëri Aleksandër Petrov, si në shumicën e hiteve të grupit. Muzika është përsëri nga Veselin Todorov – themeluesi i “Faktor”, dhe në aranzhim janë përfshirë të gjithë anëtarët e grupit.

Në fakt, kënga është vetëm një pjesë e materialit të ri mbi të cilin po punojnë dhe i cili pritet të prezantohet në një album të ardhshëm. Sa i përket “Kthimit”, kitaristi i “Faktor” Petër Georgiev – Pesheto tha:
"Me këtë këngë donim të tregonim që të gjithë - sigurisht, Vesko dhe Aleksandër Petrov janë themeli, por të gjithë donim të tregonim se grupi "Faktor" është rikthyer. Është këtu, në skenat në Bullgari, kudo. Dhe njerëzit mund të na dëgjojnë përsëri. Dhe të dëgjojnë të gjitha këto këngë që i kujtojnë dhe me të cilat janë rritur."
Albumi i ri i grupit “Faktor” - "Kundër Kohës" do të prezantohet në një koncert të posaçëm më 27 nëntor në Sofje.
Përgatiti në shqip dhe publikoi: Vesella Mançeva
Foto: YouTube/Faktor, Facebook/Vasill Stojanov, Facebook/Grupi "Faktor"
Bullgaria do të marrë pjesë në konkursin prestigjioz të këngës “Evrovizion”, i cili në vitin 2026 do të shënojë edicionin e tij të 70-të. Rikthimi i vendit është pjesë e përpjekjeve të Televizionit Kombëtar Bullgar (BNT) për të promovuar kulturën dhe..
Përgatiti në shqip dhe publikoi: Vesella Mançeva Foto: BNT - arkiv, Zdravko Petrov - BNR
Koncerti i supergrupit “Fondacijata” (Fondacioni), ditëlindja e këngëtarit Kirill Mariçkov dhe Dita e Rokut Bullgar – këto tri ngjarje bashkohen në një më 30 tetor në Sofje. Ky koncert i madh do të bashkojë në një skenë grupet legjendare të rokut..
Konkursi i 8-të Ndërkombëtar i Violinës "Vasko Abaxhiev" do të mbahet në Sofje nga 20 deri më 23 nëntor me një interes rekord. Organizatorët nga Klubi i..
"Kështu është jeta" – kjo është motoja e koncertit më 19 nëntor, në të cilin kompozitori Stefan Dimitrov bashkon emra legjendarë si Bogdana..