Biznesmenët - optimistë janë vetëm 7%

botuar më 09-11-03 1.26.MD

Foto: Millka Dimitrova

Pas anëtarësimit të Bullgarisë në BE më 1 janar të vitit 2007 biznesmenët bullgarë ishin optimistët më të mëdhenj për sa i përket kushteve për zhvillimin e biznesit. Por sot situata është krejt e ndryshuar. Shkaku i kësaj, nga njëra anë është kriza globale financiare dhe ekonomike, por nga ana tjetër ekzistojnë akoma shumë pengesa të tjera para biznesit, siç janë për shembull vështirësitë që hasen në gjetjen e tregjeve të reja ose mungesa e krahut të kualifikuar të punës. Aktualisht tendencat optimiste janë zëvendësuar me pritje reale.

Gjatë këtij viti biznesmenët optimistë janë afro 7%, deri sa vetëm përpara një viti ata kanë qenë 37%. Kjo rezulton nga një sondazhi i Qendrës kombëtare të studimit të opinionit publik, zhvilluar gjatë vjeshtës, në kohën e Panairit teknik ndërkombëtar të Plovdivit. Për afro 40% prej të anketuarve problemi i madh është mungesa e tregjeve për realizimin e prodhimeve të tyre.

Një anketë tjetër e Dhomës industrialo-tregtare bullgare, zhvilluar në fillim të shtatorit me 4 mijë firma dhe 83 organizata profesionale të degëve tregon, se 94% prej firmave që parashikojnë ti ruajnë të pandryshuara të ardhurat nga shitjet edhe në vitin 2010, parashikojnë të ruajnë edhe vendet e punës, kurse firmat që parashikojnë ulje të prodhimit dhe të ardhurave nga shitjet, në 70% prej rasteve, do të pakësojnë dhe vendet e punës.

Sipas kryetarit të Dhomës industrialo-tregtare bullgare Cvetan Simeonov, firmat bullgare janë goditur rëndë nga kriza globale dhe në ekonominë vihet re një rënie reale: “Biznesi në Bullgari është prekur seriozisht – është kategorik ai. – Sondazhet që i bëjmë tregojnë se gjërat janë ndryshuar mjaftë brenda kësaj periudhe të shkurtër. Nga sondazhet e mëparshme, të bëra në periudhën 2007 deri në mesin e vitit 2008 afro 50% prej firmave kishin pozita të qëndrueshme në treg dhe nuk parashikonin as rënie, as rritje, Kjo kategori firmash ka ruajtur pozicionin e vet edhe në kushtet e reja. Në sondazhin e vitit 2008 vetëm 5-6% prej biznesmenëve ishin pesimistë dhe prisnin rënie të xhiros, kurse sot tendenca është krejt e ndryshuar. Optimistët ndër biznesmenët sot janë vetëm 5-7%, deri sa 47% janë pesimistë dhe presin rënie të shitjeve dhe kanë në plan të lirojnë nga puna një pjesë prej punëtorëve të tyre.”

Nga sondazhet e sivjetshme që i kemi bërë rezulton, se duke pasur parasysh vitin e ardhshëm optimizmi te një pjesë e biznesit po rikthehet. Dhe prandaj rezultatet për Bullgari nuk do të jenë aq të këqija – është i mendimit Cvetan Simeonov.

“Kujdesi për konkurrueshmërinë e prodhimit të tyre është mënyra kryesore për firmat qe të mbijetojnë në kushtet e krizës - thotë zoti Simeonov. – Duhet të mësojmë biznesmenin bullgar të përpiqet me çdo kusht të ruajë biznesin që praktikon. Në ekonominë e tregut ka dhe një parim tjetër themelor – pas si fitimet po ulen dhe pasi perspektiva për të ardhmen e afërt nuk është e mirë , menjëherë të ndërpritet puna dhe të mos grumbullohen borxhe të mëdha të firmës ndaj partnerëve dhe punëtorëve. Kështu nuk do të rriten borxhet ndërmjet firmave. Përpjekjet e Dhomës industrialo-tregtare bullgare janë drejtuar te dhënie ndihmë firmave për vendosjen e tyre në tregje të reja ku ka prodhime të teknologjive të larta. Këto janë tregjet aziatike.” – thotë kryetari i Dhomës industrialo-tregtare bullgare Cvetan Simeonov.

Përgatiti në shqip: Gjullka Ilieva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Biznesmenët - optimistë janë vetëm 7%

Më shumë nga rubrika

Këshilli trepalësh sërish nuk ra dakord për pagën minimale për vitin 2025

Terminali në Aleksandrupolis kontribuon në konkurrencën e lirë

Do të modernizojnë ndërmarrjen e vetme shtetërore të përpunimit të qumështit "LB Bulgaricum"