Sfidat e mëdha para komisares evropiane të Bullgarisë Kristalina Georgieva

botuar më 10-02-04 11.25.PD

Foto: BGNES

Kandidatja bullgare për komisare evropiane mbi çështjet e bashkëpunimit ndërkombëtar, ndihmës humanitare dhe reagimit në raste krizash Kristalina Georgieva u paraqit shumë mirë në dëgjimin e saj në Parlamentin Evropian dhe u pranua shumë mirë madje ndër fraksionet parlamentare, të cilat ishin shumë kritike ndaj kandidaturës së mëparshme bullgare për resorin e njëjtë. Me miratimin e kandidaturës së Kristalina Georgievës u eliminua një pengesë serioze para formimit të Komisionit të ri Evropian. Starti i komisares së ardhshme evropiane ishte i favorshëm, por pa dyshim para saj do të ketë sfida të mëdha.

Resori bashkëpunim ndërkombëtar, ndihmë humanitare dhe reagim në raste krizash deri tani nuk ka ekzistuar në Komisionin Evropian. Ai do të duhet të koordinohet me sfera të rëndësishme si marrëdhënie të jashtme, siguri dhe mbrojtje, financa etj., jo vetëm në nivelin e Komisionit Evropian, por edhe në nivel vendesh – anëtare të BE-së. Kjo kërkon që Kristalina Georgieva të tregojë jo vetëm njohje të materies, por edhe takt politik, sepse sa u përket problemeve, të cilat do të zgjidhë, ka pozita të ndryshme. Në dëgjimin e saj në Parlamentin Evropian u bë e qartë se gjatë praktikës së saj në Bankën Botërore ka marrë edhe aftësi të tilla. Tani duhet t’i aplikojë edhe si komisare evropiane.

Themelimi i resorit, për të cilin do të përgjigjet komisarja evropiane e Bullgarisë, koincidon me domosdoshmërinë për një reagim urgjent sa i përket situatës së rëndë në Haiti. Kjo e bën përgjegjësinë e Kristalina Georgievës edhe më të madhe dhe ajo vetë i vuri vetes detyrën për të garantuar se evropianët do t’i japin Haitit më të mirën, që mund të jepet nga BE-ja. Ideja e saj është që përvoja e grumbulluar në Haiti të shërbejë si një bazë për ndërtimin e një mekanizmi më efektiv për reagim në raste krizash, i cili të garantojë një ndihmë më të madhe dhe një koordinim më të mirë si në vetë BE-në, ashtu dhe midis punonjësve të ndryshëm humanitarë dhe personave ushtarakë.

Gjatë dëgjimit të saj Kristalina Georgieva komentoi se qëllimi për krijimin e korpusit vullnetar evropian për ndihmë humanitare gjatë vitit 2011 është realist. Deri në një vit ajo duhet të propozojë se si kjo strukturë të krijohet pa u përdorur mjete të destinuara për ndihmë humanitare.

Disa herë gjatë dëgjimit të saj Georgieva shënoi se do të përpiqet që të krijohen mundësi për pjesëmarrje në proceset e rimëkëmbjes jo vetëm të institucioneve shtetërore, por edhe të biznesit privat. Një qëllim i tillë është jashtëzakonisht interesant në kontekstin e nevojave në rritje dhe të buxheteve të pamjaftueshme, por në të njëjtën kohë është i vështirë për t’u arritur, pra është edhe një sfidë e madhe para komisares evropiane të Bullgarisë.

Në përgjigje të pyetjeve të deputetëve evropianë Kristalina Georgieva demonstroi jo vetëm përgatitje dhe aftësi shumë të mira analitike, por edhe vendosmëri, e cila do ta ndihmojë realizimin e saj si anëtare të Komisionit Evropian. Në një shkallë të madhe suksesi i Kristalina Georgievës do të varet nga ruajtja e besimit të shfaqur ndaj saj që gjatë startit të saj si komisare evropiane.

Përgatiti në shqip: Vesella Mançeva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Sfidat e mëdha para komisares evropiane të Bullgarisë Kristalina Georgieva

Më shumë nga rubrika

Fati i një tufë delesh bashkoi bullgarët në një kauzë të përbashkët për t'i shpëtuar

Verë e zier, survaçka dhe rrota ferri - fryma e Krishtlindjeve në Sofje

Në kohë pikante dhe Krishtlindjа jonë është djegëse

U inaugurua oborri i shkollës në fshatin Borje i rinovuar me mbështetjen e Bullgarisë

Në nivel personal, 60% e bullgarëve janë të kënaqur me vitin 2024, optimistë për vitin 2025 janë 47%