Thierri Kreten: “Rekomandimi ynë kryesor ndaj qeverisë së Bullgarisë është që të punojmë së bashku, sepse jemi në një varkë”

botuar më 10-02-24 1.38.MD

“Me ndryshimin në legjislacionin bullgar duam ta bëjmë kështu se hetimet e OLAF të pranohen si prova në vendin tonë dhe mbi bazën e tyre të shpallen dënime te ne.” – deklaroi kryeministri bullgar Bojko Borisv pas takimit të tij me drejtorin e Shërbimit evropian për luftë kundër mashtrimeve (OLAF) Thierri Kreten.

Foto: BGNES

Me ftesë të zëvendëskryeministrit bullgar dhe ministër i punëve të brendshme Cvetan Cvetanov për një vizitë dyditore te ne ishte delegacioni i Shërbimit evropian për luftim të mashtrimeve OLAF, i udhëhequr nga Thierri Kreten, drejtor i Drejtorisë “Hetime dhe operacione”. Temat kryesore të takimeve ishin masat për luftim të mashtrimeve me mjete evropiane dhe përmirësimi i bashkëpunimit të institucioneve bullgare me OLAF.

Pyetjes së Radio Bullgarisë pas takimit në Ministrinë Bullgare të Punëve të Brendshme – a ka OLAF rekomandime konkrete ndaj qeverisë bullgare dhe Ministrisë Bullgare të Punëve të Brendshme për optimizimin e procesit të hetimit të mashtrimeve me mjetet evropiane, zoti Kreten iu përgjigj:“Siç e dini shërbimi ynë OLAF heton dhe disponon të drejta administrative. Rekomandimi ynë i vetëm ndaj qeverisë bullgare është që të punojmë së bashku, sepse ne jemi në një varkë.”

Pas takimit të tij me zëvendëskryeministrin Cvetan Cvetanov Thierri Kreten deklaroi se më e rëndësishmja është që të ketë rezultate. “Po shoh se në Bullgari ka vullnet politik për luftim të mashtrimeve, si dhe për marrje diturish me qëllim efikasitet më të madh të luftimit në këtë drejtim – shënoi ai. – Me të vërtetë po shoh një aranzhim të madh politik. Ne e ndjekim punën e AFKOS (hallka bullgare për koordinim dhe luftim të mashtrimeve me mjete financiare nga BE-ja), si dhe pozitat dhe veprimtarinë e Ministrisë Bullgare të Punëve të Brendshme në këtë fushë. Përfundimet e takimit janë se identifikuam një sërë fushash, ku në të ardhmen e afërt mund të punojmë më mirë. Por për të gjithë duhet të jetë e qartë se më e rëndësishmja janë rezultatet. Ato janë treguesi i vetëm për efikasitetin tonë.”

Nga ana e vet ministri i brendshëm Cvetan Cvetanov deklaroi: “Me punën tonë të përbashkët duhet të parandalojmë abuzimet me paratë e tatimpaguesit evropian – nënvizoi ai. – Dhe të përfitojmë nga praktikat e mira, që të rritim kapacitetin administrativ të hallkës bullgare AFKOS. Jam i bindur se me punën e përbashkët të Ministrisë Bullgare të Punëve të Brendshme dhe Prokurorisë japim një bazë të mirë për hetimet e abuzimeve të lidhura me paratë e fondeve evropiane.”

Delegacioni i OLAF u takua gjithashtu në Sofje me kryeprokurorin e Bullgarisë Boris Vellçev dhe me kryeministrin Bojko Borisov. U diskutua dhe përparësia e Bullgarisë në luftimin e abuzimeve me mjete evropiane. Pas takimit Bojko Borisovi rikujtoi se ëndrra e shefit të vdekur të OLAF dhe mik i madh i Bullgarisë, zoti Brjuner, ka qenë që vendi të jetë një shtet – shembull.

“Kemi vullnetin politik dhe dëshirën për të arritur deri në fund në hetime, nënvizoi kryeministri. – Nuk ka njerëz të toleruar në Bullgari. Çdo sinjal, i cili jep OLAF-i, do të hetohet. Me ndryshimin në legjislacionin bullgar duam ta bëjmë kështu se hetimet e OLAF të pranohen si prova në vendin tonë dhe mbi bazën e tyre të shpallen dënime te ne.”

Borisovi shënoi gjithashtu se aktualisht shërbimet bullgare - Ministria Bullgare e Punëve të Brendshme, Agjencia Shtetërore e Sigurisë Kombëtare, Prokuroria dhe Hetimi, nuk duhet të lejojmë vjedhjen e asnjë euroje nga paratë aq të rëndësishme për Bullgarinë. “OLAF punon mirë me pushtetin në Bullgari – ishte kategorik Thierri Kreten. – Nevojitemi për profesionalizëm dhe e shohim në ekipet e përbashkëta për hetim në Bullgari dhe në reformat e filluara. Mashtrimet me mjetet evropiane i detyrohen lakmisë dhe ndëshkimi më i mirë është marrja e parave nga mashtruesit. Kështu i mbrojmë interesat e qytetarëve evropianë” – tha në përfundim zoti Kreten.

Përgatiti në shqip: Vesella Mançeva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Thierri Kreten: “Rekomandimi ynë kryesor ndaj qeverisë së Bullgarisë është që të punojmë së bashku, sepse jemi në një varkë”

Më shumë nga rubrika

Punëtori për lyerjen e vezëve disa orë para Pashkëve

Kartat e identitetit - me çmim më të ulët deri në fund të vitit

Një prift katolik dhe një ortodoks: Kur e festojmë Ngjalljen bashkë, është më e gëzueshme

Radioja Kombëtare Bullgare ecën me siguri me kohën dhe tani ka lajme me një avatar virtual

Formacionet ushtarake hapin dyert e tyre me rastin e Ditës së Ushtrisë Bullgare

Gabriella Haxhikostova: Bullgarët në Hungari gëzojnë një respekt të madh