Bashkëpunim policor në Evropën Juglindore

botuar më 10-05-25 11.32.PD

Javën e kaluar Bullgaria ishte mikpritëse e Takimit të tretë të Komitetit të ministrave të Konventës së bashkëpunimit policor në Evropën Juglindore.

Foto: BGNES

Këmbimi i informatës, aksionet e përbashkëta të policisë për luftë me krimin e organizuar, trafiku i narkotikëve dhe të njerëzve, kontrabanda e mallrave janë një pjesë nga përpjekjet e përbashkëta të ministrive të brendshme të vendeve nga Evropa Juglindore për të përballuar kontingjentin kriminel, i cili prej kohe i ka tejkaluar kufijtë e shteteve të veçanta. Partneriteti është i reglamentuar nga Konventa për një bashkëpunim policor në Evropën Juglindore, të miratuar përpara 2 vjetëve. Në praktikë ajo është analog e Konventës së Shengenit dhe ka për qellim të ndihmojë për rritjen e bashkëunitetit policor në regjion dhe për arritjen e standardeve evropiane në këtë fushë. “Një format i ngjashëm jep mundësi për evitimin e barrierave dhe për punë si një skuadër”, tha zëvendëskryeministri dhe ministër i punëve të brendshme Cvetan Cvetanov në fund të javës së kaluar, kur Bullgaria ishte mikpritëse e Takimit të tretë të Komitetit të ministrave të Konventës. Vendi ynë është kryetari i parë zyrtar i Konventës dhe në fund të muajit qershor do t’i a dorëzoi stafetën Maqedonisë. Parimi i pranuar i rotacionit ka për qëllim të sigurojë transparencë dhe zhdërvjelltësi në partneritetin dhe marrjen e vendimeve koncesuale, sqaroi akoma ministri i brendshëm bullgar. Si një shembull për një bashkëunitet të mirë, ai vuri në dukje përpjekjet e përbashkëta të Bullgarisë dhe të Rumanisë për arritjen e qëllimit të tyre të përbashkët - aderimin ndaj hapësirës së Shengenit. Sipas fjalëve të tij, zyrat e sigurisë së brendshme të të dyja vendeve kanë realizuar po kështu një seri operacionesh të përbashkëta, të cilat kanë çuar deri tek frenimi i shpërdorimeve të nëpunësve bullgarë dhe rumunë në pikat kufitare. Akoma për bashkëpunimin policor të vendeve nga Evropa Juglindore në luftën e tyre kundër trafikut të narkotikëve dhe të njerëzve, si dhe për luftë me kontrabandën e mallrave, ministri Cvetanov saktësoi:

“Jemi marrë vesh të forcojmë këmbimin e informacionit akoma në një nivel operativ dhe të realizojmë të ashtuquajturat furnizime të kontrolluara, që të mund të arrijmë deri tek lojtarët bazë në të gjithë këto kanale. Ky bashkëpunim na lejon po kështu të punojmë përveç me furnizimet e kontrolluara dhe me nëpunësit e fshehur. Sinkronizimi i legjislacionit në të gjitha vendet anëtare të Konventës na jep këtë mundësi. Mendoj se u llogaritën rezultate të mira. Në sajë të koordinimit të Qendrës për luftë me kriminalitetin transkufitar në Evropën Juglindore (Qendra SECI) aty nga fundi i vitit të kaluar bashkërisht me kolegët tanë maqedonasë mundëm të kapim 120 kilogramë heroinë. Në fillim të vitit me kolegët tanë rumun kapëm 100 kilogramë heroinë. Duam të bëjmë përpjekje maksimale që të mund të kufizojmë cenimin e buxheteve të të gjitha vendeve, të cilat janë viktimë nga kjo kontrabandë dhe të shtojmë pjesën e të ardhurave.”

Bullgaria ka nënshkruar marrëveshje për një bashkëpunim policor dhe me qeverinë e Serbisë. Në sajë të saj reglamentohen kushtet suplementare për formimin e patrullave të përziera nëpër kufirin tonë të përbashkët, krijimin e ekipeve operative dhe përmirësimin e bashkëunitetit midis të dyja shteteve. Në kuadrin e kryesisë bullgare janë përgatitur po kështu projektmarrëveshje për patrullave të përziera me Maqedoninë dhe për bashkëpunimin policor me Malin e Zi.

Përgatiti në shqip: Nataniela Vasileva

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Bashkëpunim policor në Evropën Juglindore

Më shumë nga rubrika

Janë duke u përgatitur standardet për cilësinë dhe vlerësimin e arsimit në kopshte dhe grupet e çerdheve

Shkencëtarët е Akademisë Bullgare të Shkencave mbështetën unitetin e Kishës Ortodokse Bullgare - Patrikanës Bullgare

Simeon Sakskoburggotski: Bullgarët e rinj dhe studiozë janë pasuria e vendit në ditët e sotme

Kisha Ortodokse Bullgare dhe Radioja Kombëtare Bullgare bashkojnë forcat në mbështetjen shpirtërore të bashkatdhetarëve jashtë vendit

150 vjet nga lindja e Ark. Dabko Dabkov, i cili la një gjurmë të ndritshme në pamjen e qytetit bregdetar Varna

Një ekspozitë multimediale paraqet historinë dhe zërat e BNR