Bullgaria dhe mbrojtja kundër raketave

botuar më 10-05-25 9.35.PD

Ambasadorja bullgare në Uashington Elena Poptodorova

Foto: BGNES

“Bullgaria është një anëtar i ri, por tashmë i afirmuar i NATO-së. Ne bisedojmë si pjesë e familjes atlantike dhe bashkë mendojmë mbi problemet para të cilave ndodhemi.” Këtë e deklaroi pas vizitës së parë të Sekretarit të Përgjithshëm të NATO-së Anders Fog Rasmusen, ambasadorja Elena Poptodorova – drejtore e drejtorisë “Politika e sigurimit” pranë Ministrisë së punëve të jashtme.

Zonja Poptodorova që anëtare e delegacionit bullgar dhe merrte pjesë në bisedimet e Sekretarit të Përgjithshëm me presidentin Georgi Përvanov, me kryeministrin Bojko Borisov, me ministrin e punëve të jashtme Nikollaj Mlladenov. Në një intervistë të posaçme për Radio Bullgarinë Elena Poptodorova nënvizoi, se vizita e Rasmusenit ishte vetëm një ditë pas prezantimit zyrtar të rekomandimeve të Konceptit të ri strategjik të Aleancës të “grupit të të urtëve” – 12 diplomatë të lartë të NATO-së, në krye me ish sekretaren e shtetit të SHBA Madlin Olbrajt. Ajo me kënaqësi nënvizoi, se në këto rekomandime kanë gjetur vend dhe propozimet e Ministrisë sonë të jashtme në lidhje me konceptin e ri strategjik të NATO-së: ruajtja e rëndësisë vendimtare të nenit 5, përfshirja e mbrojtjes kundër raketave si shprehje e nenit 5 në drejtim të kërcënimeve të reja, përfshirja e sigurisë energjetike ndaj çështjeve kyçe të sigurisë. Ja për se Koncepti strategjik ishte një ndër temat kryesore të bisedimeve të zhvilluara. Pritet që liderët e NATO të miratojnë Konceptin strategjik në kohën e takimit të nivelit të lartë gjatë nëntorit në Lisbonë.

“Tema tjetër e rëndësishme që rrjedh nga puna mbi konceptin është mbrojtja kundër raketave e Aleancës - vazhdon ambasadorja Poptodorova. Rasumusen nënvizoi qartë praninë e kërcënimeve të reja dhe ripohoi, se ky është vlerësimi i përbashkët i shprehur nga vendet anëtare të NATO-së. Objektivi tjetër, siç u përvijua nga Sekretari i Përgjithshëm, është që në Lisbonë të miratohet deklarata për nevojën e ndërtimit të mbrojtjes kundër raketave. Flasim për përpjekje të përbashkëta me një rol prijës të Shteteve të Bashkuara të Amerikës në këtë sheme. Gjëja tjetër e rëndësishme, të cilën e nënvizoi Rasmusen është se nuk ka argumente të menduara kundër krijimit të mbrojtjes kundër raketave. Sa i përket shpenzimeve do të jenë të domosdoshme rreth 200 milionë euro të shpërndara midis 28 vendeve anëtare për një periudhë prej 10 vjetëve.”

Bullgaria merr pjesë në misionin ndërkombëtar ISAF në Afganistan përgjithësisht me rreth 500 nëpunës ushtarak, të cilët janë dislokuar në Kabull dhe Kandahar dhe kryejnë detyra rreth mbrojtjes së aeroporteve në 2 qytetet. Një nga temat e diskutuara ka qenë propozimi i NATO-së për dërgimin e instruktorëve suplementarë nga Bullgaria për arsimimin e ushtrisë vendase dhe policisë.

“Afganistani është tema bazë, sepse kjo është dëshmia materiale për aftësinë e NATO-së të mund të ketë sukses në një mision kaq të rëndësishëm, deklaroi Poptodorova. Për mua është e gëzueshme të njoftojë se në çdo një takim Rasmusen vlerësonte lart kontributin bullgar. E them këtë në lidhje me Afganistanin, por ky qe një vlerësim mjaft më i gjerë për pjesëmarrjen bullgare dhe sjelljen si një vend-pjesëmarrës në Aleancë. Sa i përket ISAF-it, vlerësimi me datë të sotme është se veprimet ushtarake duhet të shoqërohen prej programeve civile.”

Sipas fjalëve të ambasadorit Poptodorova, në Sofje Sekretari i Përgjithshëm i NATO-së ka nënvizuar rolin kyç politik të Bullgarisë në integrimin euroatlantik të Ballkanit Perëndimor për shkak të marrëdhënieve të mira me vendet fqinje. Anders For Rasmusen ka deklaruar se, NATO-ja mbështetet për këtë tek Bullgaria.

Përgatiti në shqip: Nataniela Vasileva

По публикацията работи: Iliana Rajçeva

Последвайте ни и в Google News Showcase, за да научите най-важното от деня!

Ndaje

Bullgaria dhe mbrojtja kundër raketave

Më shumë nga rubrika

E majta europiane dëshiron të jetë sërish ndër më të fortët e ditës

Muzeu Historik Rajonal - Sofje prezanton video histori të ndërtesave ikonike në kryeqytet

Për të pestin vit radhazi nxënësit e Gorës dhe Gollobordës shënojnë “Festat e fundvitit në mënyrë bullgare"

Kreu i shtetit Rumen Radev nderoi Radion Kombëtare Bullgare me Shenjën e Nderit të Presidentit

“Përmes dyerve të kohës” – 190 vjet fryma inovative frymëzon nxënësit e Gjimnazit Aprillovska