Festivali i koprodukcioneve evropiane

botuar më 10-05-26 9.59.PD

Në fotografinë (nga e majta në të djathtë): drejtori i Qendrës kombëtare të filmave Aleksandër Donev, Hermina Azarjan nga Pallati Kombëtar i Kulturës dhe drejtorja e festivalit Irina Kanusheva.

Foto: Veneta Pavllova

Për herë të 15 në Sofje në kuadrin e Sallonit të arteve do të zhvillohet Festivali i koprodukcioneve evropiane. Nga data 28 maj deri më 4 qershor adhuruesit e kinemasë kanë mundësi të shikojnë krijime të vlershme, të cilat të pasqyrojnë kërkimet shpirtërore dhe estetike në artin e shtatë.

“Një aksent i posaçëm mes filmave të rinj të cilët i tregojmë në programet e festivalit është prezantimi i titujve, të përkrahur nga fondi gjerman nga Lajpcigu MDM me drejtor Manfred Shmid, mik i Bullgarisë - thotë drejtori i Qendrës kombëtare të filmave Aleksandër Donev. Midis të tjerave, gjesti ynë është shprehje dhe e njohjes ndaj MDM për të ndihmuar krijimet e reja bullgare. Fondi ekziston që nga viti 1998. Dhe për këto 12 vjet prej tij janë përkrahur 10 filma bullgar. Tani tregojmë një nga lentat më të konsiderueshme - filmin për Lev Tollstojin “Ndalesa e Fundit” e regjisorit Majkëll Hofman. Ai ka disa nominime për “Oskar”. Për ne është me rëndësi të hapim festivalin me të dhe sepse gjatë vitit 2010 mbushen 100 vjet nga vdekja e shkrimtarit të madh. Mendoj se për adhuruesit e kinemasë nga Sofja kjo është vazhdimi i Sofjes Fillm Fest, që përfundoi vetëm përpara 2 muajve me një nga ekranizimet më të reja të “Anna Kareninës”. Tani ne duam të prezantojmë një film biografik për muajt e fundit të Tolstojit, i cili pritet me një interes të madh nga kritika dhe publiku nëpër botë.”

Si gjithmonë, programi i festivalit është i krijuar pothuajse krejtësisht nga filma artistik, të cilët nuk janë paraqitur në Bullgari dhe vijnë posaçërisht për të. Pothuajse të gjithë kanë dekorata dhe nominime nga forumet kinematografike ndërkombëtare. Të tillë janë për shembull filmi shqiptaro-francez “Gjallë”, ai belg “Moska-Belgjikë”, ai danez “Shumë i lumtur”, filmi “Tufani” i Gjermanisë, Danimarkës dhe Holandës. Mjeshtri polak Kshishtof Zanusi është regjisor i filmit “Zemër në pëllëmbë”, në të cilin një oligark modern për herë të parë drejtohet përpara një problemi të pazgjidhshëm për të-të mund të gjejë një zemër të re. Mes filmat më të suksesshëm për spektatorët në seleksionim është filmi çek “Ekskursiantët”, i cili ka mbledhur mijëra spektatorë në atdhe me historinë e vet për një grup pushues, të pasur me absurde dhe situata befasueshme. Koprodukcioni bullgaro-turk “Kozmos” u tregua në Berlinale, ka dhe disa dekorata nga festivali në Antalia. Kozmos në këtë rast është emri i vjedhësit me një prejardhje të panjohur, i cili futet në jetën e një qyteze të vogël kufitare dhe e ndryshon që nga themelet Regjisori Reha Erdem ka tanimë disa filma me një koproducent bullgar. Ky bashkëpunim i frytshëm fillon në Sofje në forumin e koprodukcioneve evropiane.

“Programi tjetër është prej filmave dokumentar - shënon Irina Kanusheva, drejtorja e festivalit. Prej disa vjetëve po mundohemi të popullarizojmë dhe këtë gjini, sepse tek ne nuk ka një festival të madh ndërkombëtar të kinemasë dokumentare. Prandaj mendojmë se. është me rëndësi që këto filma të arrijnë deri tek publiku, me qenë se ky është shansi i vetëm të shikohen në një skenë të madhe. Mundësia tjetër është në televizion, por kjo rastis rrallë për këtë lloj krijimesh, të cilat ne i tregojmë.”

Në kuadrin e festivalit për herë të parë do të ketë konkurs për financimin e projekteve studentore. Në të do të dalin në garë 14 projekte të studentëve dhe të specializantëve nga Akademia kombëtare e artit teatral dhe kinematografik, Universiteti i ri bullgar dhe Universiteti jugperëndimor në qytetin Bllagoevgrad.

Përgatiti në shqip: Nataniela Vasileva

По публикацията работи: Veneta Pavllova

Последвайте ни и в Google News Showcase, за да научите най-важното от деня!

Ndaje

Festivali i koprodukcioneve evropiane

Më shumë nga rubrika

Filmi "Tufa" hap edicionin e 38-të të "Kinomania"

Festivali Ndërkombëtar i Kinemasë Etnografike “OKO” fillon me një theks në Ukrainë

Ditët e Kulturës Bullgare u zhvilluan në Tiranë

Filmi "Tufa" hap edicionin e 38-të të "Kinomania"