Bullgaria mund të fitojë nga kriza në Greqi

botuar më 11-06-29 11.59.PD

Sipas analizatorit ekonomik Georgi Angellov në krahasim me Greqinë Bullgaria ofron kushte më të qëndrueshme dhe më të mira për biznes.

Foto: arkiv

Sipas parashikimeve të kompanisë konsulente Ernst&Young ekonomia bullgare gjatë këtij viti do të shënojë një rritje nga 3.2 për qind, përderisa produkti i brendshëm bruto në zonën evropiane do të rritet me 2 për qind. Analizuesit shprehin mendim, se brenda dy viteve të ardhshme Bullgaria do të zhvillohet shumë mirë. Shpresat janë, që produkti i brendshëm bruto i vendit të rritet. Arsyetim për këtë japin potenciali i madh i ekonomisë bullgare dhe zhvillimi i qëndrueshëm i vendit para krizës. Nuk përjashtohen edhe rreziqe lidhura me krizën në Greqi. Ato kanë të bëjnë kryesisht me probleme në sektorin bankar, me kufizimin e kreditimit, me uljen e eksportit. Mirëpo, nga situata mund të nxirren edhe dividendë pozitivë për Bullgarinë. Mbi këtë temë me hollësi ndalet analizuesi ekonomik Georgi Angellov:

“Situata nuk është aq e thjeshtë. Kështu që nuk mund të thuhet kategorikisht, do të fitojë ose do të humbasë Bullgaria nga zhvillimet në Greqi. Edhe dy skenarët janë të mundshëm, dhe me më shumë rëndësi është politika ekonomike e Bullgarisë. Kështu që gjithçka është në varësi të politikës së arsyeshme dhe të qëndrueshme buxhetore të vendit. Është me rëndësi të theksohet, se situata në Bullgari ndryshohet krejtësisht nga ajo në Greqi.”

Si mund të fitojë Bullgaria nga kriza në Greqi?

“Ekonomia greke është në qendrën e vëmendjes së mediave botërore. Shihet një qëndrim skeptik ndaj mbarë rajonit përreth Greqisë. Mirëpo, në se Bullgaria ndjek një politikë të arsyeshme, kjo patjetër do të tërheqë vëmendjen e shoqërisë ndërkombëtare. Me siguri do të vihet re, nëse Bullgaria do të vazhdojë me reformat dhe nuk do të grumbullojë borxhe. Sa kritik të jemi ndaj mjedisit biznes te ne, në krahasim me Greqinë Bullgaria ofron kushte më të qëndrueshme dhe më të mira për biznes. Shumë kompani edhe greke mendojnë të bëjnë investime në Greqi, apo jo. Ka edhe të tilla, që mendojnë ku të transferojnë uzinat e veta bashkë me të gjitha makinat dhe impiantet, sepse në Greqi situata ekonomike keqësohet dita ditës. Bullgaria është një shtet i qëndrueshëm, prandaj mund të shpresojë, se ka shanse të tërheqë ato investime dhe para.”

Ka një proverb bullgar, sipas të cilit nëse shtëpia e fqinjit digjet, atëherë flaka mund të arrijë edhe shtëpinë tënde.

“Për Bullgarinë është më mirë, që Greqia të përballojë problemin. Është më mirë, që të jemi pjesë e një regjioni me prosperitet, se sa pjesë e një rajoni kërcënuar nga falimentimi. Të mos harrojmë, se Rumani, Greqia, Serbia dhe Maqedonia kanë marrëveshje me Fondin Monetar Ndërkombëtar. Kjo është në dëm të imazhit të mbarë rajonit dhe vështirëson situatën. Për ne varianti më i mirë është që vetë Greqia të zgjidhë problemet. BE-ja është e interesuar t’i ndihmojë Greqisë, sepse nuk dëshiron Greqia të falimentojë. Kështu që duke marrë parasysh ndihmën e huaj, problemi i daljes së Greqisë nga kriza është në duart e saj.” – komentoi zoti Angellov

Përgatiti në shqip: Svetllana Dimitrova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Bullgaria mund të fitojë nga kriza në Greqi

Më shumë nga rubrika

Kristalina Georgieva bëri thirrje për rritjen e të ardhurave dhe uljen e deficitit

Biznesi është i përmbajtur në pritshmëritë e tij për vitin e ardhshëm 2025

Eksportet dhe importet drejt Evropës dhe vendeve jashtë BE-së po bien

Banka Kombëtare Bullgare vendos obligacione me borxh të ri të brendshëm afatshkurtër dhe afatmesëm