Sipërmarrjet e vogla dhe të mesme në Bullgari – me financim të vështirësuar nga bankat e BE-së

botuar më 11-10-06 12.38.MD

Bullgaria është ndër vendet e BE-së që vështirësish e marrin financimin e bankave evropiane. Një studim i agjencisë statistikore Eurostat, i bërë ndër 25 mijë kompani të 20 vendeve të BE-së tregon se, firmave bullgare ua kanë hedhur poshtë më shumë kërkesa për kreditim. Në vendin e dytë dhe të tretë janë Irlanda dhe Letonia, ndërsa Finlanda, Malta, Qiproja dhe Polonia lehtësisht marrin kredi.

Arsyeja e financimit të vështirësuar në Bullgari ka të bëjë me krizën nga 2007-ta deri në vitin 2010. Gjatë kësaj periudhe numri i kërkesave të refuzuara u rrit ndjeshëm. Nëse përpara këto kanë qenë 3 për qind, tani refuzimi i kërkesave konsiderohet 36 për qind. Vitet e fundit bankat shtrënguan kushtet për të marrë kredi – përveç interesave, rritën dhe të ashtuquajturat kërkesa për cilësi. Kështu firmat duhet u përgjigjur kërkesave më të larta që suplementarisht i vështirëson gjatë marrjes së kredive në kushtet e krizës. Qarkullimi i të hollave është i keqësuar, perspektivat e realizimit të prodhimit janë të kufizuara dhe firmat nuk kanë siguri financiare. Bullgaria është ndër vendet me një pjesë të vogël të kërkesave të miratuara të sipërmarrjeve të vogla dhe të mesme për të marrë kredi – 22 për qind gjatë 2010-ës. Sipas disa bankierëve në Bullgari ka mjaft firma, të cilat mund të marrin kredi, por nuk dëshirojnë, sepse janë të kujdesshme në këtë vendim. Ka edhe të tilla, të cilat kërkojnë financim, por nuk e marrin, sepse nuk u përgjigjen kërkesave.

Nëse për momentin Bullgaria është vendi që vështirësish merr financim, përpara krizës nuk ka qen kështu. Atëherë 90 për qind të kërkesave miratoheshin, tregon një studim të Eurostat-it. Ekonomistët janë të mendimit se për shkak të pragut të lartë të kredive, situata është keqësuar. Sipas tyre duhet pasur një përzgjedhje të projekteve dhe kompanive dhe kërkesat e refuzuara të mos ulen mbi 15 për qind. Programi IEREMIE jep një shpresë në lidhje me financimin e kërkuar nga sipërmarrjet e vogla dhe të mesme. Pesë banka lëshojnë kredi kundrejt një kompensim më të ulët, kurse garanti është Fondi Evropian për Investimet. Gjatë vitit 2007 janë miratuar 87 për qind të kërkesave të deklaruara të sipërmarrjeve të vogla dhe të mesme në Bullgari, ndërsa gjatë vitit 2010 këto kanë qenë 42.5 për qind. Në Irlandë kërkesat e miratuara për të marrë kredi janë ulur nga 97 për qind deri në 53 për qind, kurse në Danimarkë – nga 92 për qind deri në 60 për qind.

“Kjo tendencë, sipas studimit të agjencisë Eurostat, ka të bëjë me faktin se firmat e vogla dhe të mesme janë të vështira për të kredituar dhe u dalin të shtrenjta bankave, komentoi Georgi Ganev nga Qendra e strategjisë liberale. – Këto sipërmarrje përbëjnë një risk të madh. Procesi nuk është i favorshëm, por është i natyrshëm.”

Përgatiti në shqip: Anna Kapitanova

По публикацията работи: Dhimitër Ushev

Последвайте ни и в Google News Showcase, за да научите най-важното от деня!

Ndaje

Sipërmarrjet e vogla dhe të mesme në Bullgari – me financim të vështirësuar nga bankat e BE-së

Më shumë nga rubrika

Një kompleks riparimi avionësh në shkallë të gjerë me 1500 vende pune do të ndërtohet në Burgas

Bullgarët janë masivisht të pakënaqur me pagat e tyre, ¼ e tyre janë të varfër që punojnë

Bullgaria ka pagën minimale më të ulët në BE

Një kompleks riparimi avionësh në shkallë të gjerë me 1500 vende pune do të ndërtohet në Burgas