Zgjedhjet në Greqi qetësuan Evropën

botuar më 12-06-18 11.00.PD

Foto: BGNES

Zgjedhjet e radhës në Greqi kaluan siç pritej – fqinjët tanë jugorë votuan për partinë e preferuar, por pa shpresa të mëdha. Afro 15 për qind prej zgjedhësve votuan në momentin e fundit. Me përjashtim të granatave të gjetura në oborrin e një medie, ndezjes së një pike votimi, si dhe zjarreve të shumta, që shpërthyen në vend një ditë para zgjedhjeve, mund të themi se zgjedhjet në Greqi kaluan normalisht dhe pa shkelje të mëdha. I fitoi “Demokracia e Re”, me afro 30 për qind prej votave, gjë që i siguroi rreth 130 deputetë në parlamentin prej 300 vendesh, përfshi këtu dhe 50 vendet bonus për partinë e parë në zgjedhje. Në vend të dytë është Koalicioni i së majtës radikale SIRIZA – me 37 për qind, kurse në vend të tretë janë socialistët nga PASOK – me 12 për qind. Sipas analizatorëve orët në pritje të rezultateve kanë qenë shumë të tensionuara, por pritet që ditët e ardhshme të jenë edhe më të tensionuara, kur jo vetëm Greqia, por dhe tërë Evropa do të jenë në pritje të formimit të një qeverie të qëndrueshme.

Rrallë zgjedhjet në Greqi kanë shkaktuar një vëmendje kaq të madhe jashtë, ndoshta sepse këtë herë janë me rëndësi të madhe si për vendin, ashtu dhe për tërë BE-në dhe eurozonën. Pas zgjedhjeve të kaluara nuk u arrit deri në formimin e qeverisë. Atëherë në Parlament hynë 7 parti – “Demokracia e Re”, “SIRIZA”, “PASOK”, “Grekët e Pavarur”, Partia e së djathtës ekstreme “Agimi i artë”, E Majta Demokratike dhe Partia Komuniste Greke. Mirëpo asnjë formacion politik nuk mori mjaftë vende deputetësh, që të udhëheqë më vete. E njëjta gjë përsëritet dhe tani. Por tashmë nuk ka kohë për prova të reja. Menjëherë pas përfundimit të zgjedhjeve analizatorët politikë filluan të flasin për formimin e një qeverie të tolerancës, shpëtimit dhe pajtimit, pavarësish se cila do të ishte partia fituese.

Grekët u dëshpëruan shumë pas masave të ndërmarra për shkurtime buxhetore, të cilat u aplikuan si rrjedhojë e huas së radhës ndërkombëtare për përmirësimin e ekonomisë. Tani dy forcat më të mëdha politike “Demokracia e Re” dhe “SIRIZA” gjenden në një situatë të rëndë – e para, e cila është me tradita të mëdha politike dhe me një histori të pasur, do që të udhëheqë vetë, por kjo është e pamundur, kurse formacioni i majtë radikal, i cili u formua nën presionin e rrugës, nuk disponon kuadrot e domosdoshme për të udhëhequr.

Greqia u angazhua me uljen e rreptë të shpenzimeve buxhetore, që të marrë 240 miliardë euro ndihmë nga BE-ja dhe FMN-ja, por tani për tani kjo nuk ndodh. Kreditorët ndërkombëtarë paralajmëruan se do ta privojnë vendin nga financimi, në qoftë se nuk e respekton marrëveshjen.

Në fakt grekët u gjendën para një zgjedhjeje të pamundshme. Ata duhej të zgjidhnin midis formacionit të majtë radikal “SIRIZA”, i cili është për ndryshim, madje për refuzimin e marrëveshjes me kreditorët ndërkombëtarë, dhe partisë konservatore “Demokracia e Re”, e cila përkrah rrugën evropiane të Greqisë dhe euron. Populli grek zgjodhi variantin e dytë në një moment shumë të vështirë, zgjodhi rrugën e zhvillimit, të daljes nga kriza, rrugën e qeverisjes së drejtë. Është e sigurt se tani, pas zgjedhjeve, edhe dy forcat politike nuk do të zbatojnë disa prej premtimeve paraelektorale, por ato presin ndryshim edhe të pozitës së Evropës. Kancelarja gjermane Angela Merkel deklaroi pak para zgjedhjeve se Greqia “duhet të zgjedhë shumicën, e cila të respektojë kushtet”, që të marrë ndihmën shpëtimtare. Është e qartë se pa të Greqia do të përjetojë një katastrofë ekonomike dhe do të gjendet në një situatë të paqëndrueshme politike, pavarësisht nëse do të vendosë të mbetet në eurozonë, apo jo. Mirëpo pasojat do të jenë negative edhe për Evropën. Qeveritë e tyre me siguri do të kërkojnë vendime të ndryshme nga pozitat e tyre të mëparshme. Pritet një periudhë e vështirë e formimit të shpejtë të qeverisë dhe e ndërmarrjes së masave të shpejta për reforma në sektorin shtetëror, për rimëkëmbje dhe zhvillim të vendit, sepse tashmë nuk ekziston varianti i zgjedhjeve të reja.

Përgatiti në shqip: Vesella Mançeva

По публикацията работи: Penka Velleva

Последвайте ни и в Google News Showcase, за да научите най-важното от деня!

Ndaje

Zgjedhjet në Greqi qetësuan Evropën

Më shumë nga rubrika

Çmimet e reja për dokumentet bullgare hyjnë në fuqi nga 1 janari

Presidenti Rumen Radev: Besoj se kemi talent për ta konfirmuar Bullgarinë si një vend sovran dhe të begatë në hartën e Evropës

Çfarë e pret BE-në në vitin 2025

Një ekspozitë multimediale paraqet historinë dhe zërat e BNR