Bullgaria kërkon tregje të reja në Azi

botuar më 12-10-22 11.44.PD

Presidenti i Vietnamit, z. Çjong Tan Shang shprehu bindjen se vizita e ministrit Djankov në Hanoi do të kontribuojë për përforcimin e miqësisë tradicionale dhe bashkëpunimit mes të dyja vendeve.

Foto: EPA/BGNES

Gjatë 10 ditëve të fundit delegacione bullgare vizituan Indinë, Vietnamin dhe Kinën. Aksenti bazë në bisedimet ishte vënë mbi bashkëpunimin ekonomik tregtar. U bë e qartë se, Bullgaria kërkon tregje të reja në Azi.

Në kuadrin e sesionit të komisionit ndërqeveritar bullgaro-indian për një bashkëpunim tekniko-shkencor, një delegacion bullgar, i kryesuar nga ministri i ekonomisë, energjetikës dhe turizmi Deljan Dobrev bëri në Delhi marrëveshje që vitin e ardhshëm kompani bullgare të vizitojnë Indinë për studimin e mundësive të ndihmojnë përpunimin e produkteve bujqësore. Vendi është prodhuesi më i madh i qumështit në botë, i dyti është për nga prodhimi i frutave dhe në vend të tretë për nga prodhimi i kulturave të drithit, por vetëm një pjesë e vogël nga prodhimi përpunohet në industrinë ushqimore. Por sfera e interesit të përbashkët është shumë më i gjerë. Delegacioni zyrtar bullgar u shoqërua nga përfaqësues të firmave në fushën e energjetikës, të industrisë ushtarake, makinë-ndërtimit, industrisë ushqimore dhe kozmetike, prodhimit i verërave dhe turizmit. Përmes memorandumit për mirëkuptim dhe marrëveshjes për bashkëpunim, të lidhur me Dhomën Tregtare-Industriale Bullgare, Federata e Dhomave Tregtaro-Industriale të Indisë u angazhua të kontribuojë për gjetjen e biznes partnerëve. India lejon në sferën e tregtisë së brendshme investime të drejtpërdrejta të huaja në përmasë deri më 51 për qind, që u jep mundësi kompanive bullgare të hyjnë në tregun e madh indian. Gjatë kohës së sesionit, kompania bullgare Rose Valley Tours bëri marrëveshje për eksport të vajit të trëndafilit me atë indiane Roseleen International.

Pasi zëvendëskryeministri vietnamez Nguen Thien Njan vizitoi Bullgarinë në fillim të muajit shtator, gjatë muajit tetor zëvendëskryeministri dhe ministër i financave Simeon Djankov ktheu vizitën. Temat bazë në bisedat në Vietnam ishin të lidhura me bashkëpunimin bilateral ekonomik dhe inkurajimin e lidhjeve tregtare-ekonomike midis të dyja vendeve. Si sfera bazë të një interesi të përbashkët u vizatuan industria ushqimore, farmaceutika, pajisja mjekësore, industria kimike dhe bujqësia. Pala vietnameze shprehu dëshirë të vendosë marrëdhënie më të afërta me Bullgarinë në fushën e financave dhe pritjen të fitojë investime bullgare në ndërtimin rrugor. Ishte llogaritur se, aty nga fundi i muajit shtator Bullgaria tanimë ka pasur në Vietnamin e largët investime me një vlerë të përgjithshme prej 30 milionë dollarëve në 8 projekte.

Një interes të madh Bullgaria ka dhe ndaj Kinës. Gjatë gushtit qeveria miratoi memorandum për bashkëpunim midis Ministrisë të Ekonomisë dhe Departamentit të Tregtisë së Jashtme dhe Bashkëpunimit Ekonomik të Provincës kineze Guandun. Sipas tij, të dyja institucionet do të krijojnë mundësi për projekte të përbashkëta industriale dhe themelimin e ndërmarrjeve të përziera, hapjen e përfaqësive dhe të degëve të kompanive. Gjatë javës së kaluar një delegacion i Partisë Socialiste Bullgare vizitoi Shangain dhe provincën Hubej. Pavarësisht nga karakteri partiak i vizitës, një aksent bazë në bisedat me autoritetet vendase ishte vënë mbi mundësitë për shtimin e kontakteve të punës midis të dyja vendeve në sferën e turizmit dhe të prodhimit të qumështit. Bullgaria ka interes të eksportojë për në Kinë verëra dhe tanimë po i reklamon bashkërisht me Greqinë në kuadrin e programit të promocionit, të bashkë-financuar nga Bashkimi Evropian.

Pozita të mira në tregjet aziatike Bullgaria ka pasur dhe në të kaluarën, por tani po mund që t’i zgjerojë. E bën në kushte të reja, ku si anëtar i Bashkimit Evropian ndërmerret nga partnerët e saj aziatikë si një urë drejt tregut të madh evropian.

Përgatiti në shqip: Nataniela Vasileva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Bullgaria kërkon tregje të reja në Azi

Më shumë nga rubrika

Bullgaria është e 52-ta në mesin e 165 vendeve për sa i përket lirisë ekonomike

Statistikat tregojnë një rënie të mprehtë të inflacionit vjetor në vend

Një mbledhje e bashkive në resortin “Albena” diskuton problemet e pushtetit vendor

“Lukoil” mohoi se është duke negociuar me një konsorcium për shitjen e rafinerisë në Burgas