Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dita e Shën Gjergjit është Ditë e Trimërisë

Foto: BGNES
Më 6 maj në Bullgari ka dy festa. Kisha Ortodokse Bullgare kremton Shën Gjergjin, kurse Ushtria Bullgare shënon Ditën e Trimërisë. Kjo e fundit u vendos së festuari që më 1880, pasi princi Aleksandër Batenberg lëshoi një dekret special. Në këtë datë përkujtohen dëshmorët e luftërave, në të cilat është përfshirë Bullgaria. Më 6 maj Forcat Ushtarake e Bullgarisë kanë festë. Paralelisht me Ditën e Trimërisë u miratua dhe urdhri ushtarak “Për trimërinë”. Me këtë u dekoruan mijëra heronj të cilët ia kanë përkushtuar jetën e tyre në mbrojtjen e atdheut.

Siç shumë gjera të tjera në Bullgari, dhe Dita e Trimërisë ka të bëjë me disa peripeci historike. Fillimisht data u vendos së festuari si përkujtim i paraardhësve tanë të cilët kanë luftuar për të drejtën e identitetit kombëtar, të bashkimit kombëtar dhe të zhvillimit të shtetit bullgar. Më pas, në fillim të regjimit komunist më 1946 Dita e Trimërisë u zëvendësua me Ditën e Bariut.

Në fillim të 1993-ës kur u bë tranzicioni ndaj qeverisjes demokratike, Dita e Trimërisë rifilloi së festuari. Atëherë qëllimet e dikurshme heroike mbetën në të kaluarën. Bullgaria ishte bërë pjesë e familjes euroatlantike dhe një kërcënim i menjëhershëm ushtarak nuk e priste. Ja pse ushtria e saj nuk duhej të numëronte aq shumë se sa ka numëruar në të kaluarën. Prioritet kyç i forcave ushtarake vazhdon të jetë mbrojtja e sovranitetit të republikës por në sfondin e një sistemi të përbashkët të sigurisë. Sepse në pajtim me Marrëveshjen Veri-atlantike çdo kërcënim ndaj Bullgarisë do të thotë se rrezikon dhe aleatet e saj. Anëtarësimi në familjen euroatlantike ka çmimin e vet. Bullgaria është e detyruar të marrë pjesë në misione ushtarake ndërkombëtare, duke kontribuuar në mbrojtjen e paqes dhe të sigurisë në botë. Sot prioritetet e Ushtrisë Bullgare janë mbrojtja e vlerave demokratike në botë dhe neutralizimi i terrorizmit ndërkombëtar. Me rastin e 9-përvjetorit të anëtarësisë së Bullgarisë në NATO, drejtori i përgjithshëm përshëndeti rolin e vendit tonë si garantuese e stabilitetit dhe sigurisë në Ballkan, po ashtu dhe pjesëmarrjen e saj në misionet në Afganistan.

Në Ditën e Trimërisë përkujtohet heroizmi dhe shqyrtohet roli dhe problemet e forcave ushtarake. Sot këto të fundit kontribuojnë shumë në mbrojtjen e popullsisë në raste avarie e fatkeqësish. Ja pse populli ka besim më tepër tek ushtria se sa tek institucionet e tjera, siç janë Kuvendi, qeveria, gjykata, Prokuroria, bile Kisha Ortodokse.

Raporti midis ushtrisë dhe shoqërisë civile duket në pasojat e përbashkëta që vijnë si rrjedhojë e krizës ekonomike e financiare. Vështirësitë sociale në shoqëri vlejnë dhe për ushtrinë e cila kohën e fundit gjithashtu përballet me mungesën e kuadrove. Rritja e vogël ekonomike e cila e pengon zhvillimin e mëtejshëm të shoqërisë, kërcënon dhe atë të ushtrisë. Buxheti i ushtrisë është 1.5% e PBB-së. Këto para nuk mjaftojnë për modernizimin e forcave ushtarake dhe shfrytëzohen vetëm për pagat e personelit. Mungesë parash ka më së shumti në aviacion, ku ndihet nevoja urgjente për pajisje të reja të fluturimit.

Pra, mungesat nuk përbëjnë vetëm sfida, por dhe parakusht për forcimin e lidhjes midis forcave ushtarake dhe shoqërisë. Sot këto të dyja punojnë së bashku me këmbëngulje, aftësi dhe guxim që të jetë e ardhmja më e mirë.

Përgatiti në shqip: Anna Kapitanova
По публикацията работи: Stoimen Pavllov


Последвайте ни и в Google News Showcase, за да научите най-важното от деня!

Më shumë nga rubrika

Manastiri i Trojanit i dhuron relikte të shenjta kishës “Shën Parasqevi-Petka” në Trojan

Manastiri i Trojanit “Fjetja e Hyjlindëses Mari” do t’i dhurojë Kishës “Shën Parashqevi-Petka” në Trojan pjesë nga lipsanet e shenjta të shenjtorëve mbrojtës të qytetit – Shën Parashqevi-Petka dhe Shën Panteleimoni, martir i madh, njoftoi për BTA-në..

botuar më 25-06-13 5.10.PD

150 studentë me origjinë bullgare do të mund të studiojnë në Universitetin e Ruses në Taraklia

Dega e Universitetit të qytetit bullgar Ruse në qytetin Taraklia të Moldavisë do të jetë në gjendje të pranojë deri në 150 të rinj me origjinë bullgare për trajnim në diplomat arsimore dhe kualifikuese "bachelor" dhe "master", si dhe 5 persona për..

botuar më 25-06-10 4.59.MD
Natalija Kisellova me minoritetin bullgar në Shqipëri

Kryetarja e Parlamentit Natalija Kisellova u uroi bullgarëve në Shqipëri që të ruajnë identitetin e tyre

Kryetarja e Asamblesë Kombëtare u takua me përfaqësues të komunitetit bullgar në Shqipëri. Në krye të një delegacioni parlamentar bullgar, Natalija Kisellova vizitoi Shqipërinë për të marrë pjesë në seancën e 12-të plenare të Asamblesë Parlamentare për..

botuar më 25-06-10 10.26.PD