Familja në sistemin e vlerave të bullgarit

botuar më 13-05-13 7.58.PD

OKB-ja e ka shpallur 15 Majin Ditë Ndërkombëtare të Familjes. Kjo datë përveç se është një festë, njëkohësisht na bën të mendojmë se çfarë vend zë familja në sistemin tonë të vlerave.

“Kur festojmë kemi nevojë t’i ndajmë emocionet me dikë, e kur përballemi me vështirësitë kemi nevojë për përkrahje. Si ndarja, ashtu dhe përkrahja vijnë nga familja. Me shumë rëndësi është edukimi i fëmijëve të cilët një ditë do të bëhen prind. Çdokush le t’i kushtojë vëmendje familjes që të jetë ajo e lumtur. Po të ketë më shumë familje të lumtura, shoqëria jonë do të bëhet më e mirë.” Këtë e tha z. Stojan Georgiev, kryetar i Asociacionit “Shoqëria dhe vlerat”. Ky asociacion organizon aktivitete të ndryshme të cilat inkurajon martesën dhe krijimin e familjes. Z. Georgiev është konsulent martesor dhe redaktor i sajtit www.semeistvo.bg. Është i martuar me tre fëmijë:

“Më 2007 e regjistruam asociacionin me disa ithtarë. Ideja jonë ishte popullarizimi i vlerave familjare – sqaron z. Georgiev. – Zakonisht familja zë një nga vendet e para në sistemin e vlerave të bullgarit. E kemi mision të forcojmë këtë vlerë sot kur koha është e vështirë dhe të shohim më shumë çifte familjare të cilat janë të kënaqura me martesën e tyre. Duke qenë konsulent martesor, jam hasur me raste të ndryshme. Statistika tregon se çiftet të cilat bashkëjetojnë pa martesë, janë së bashku më pak kohë, kanë rrezik më të madh të ndarjes dhe nivel më të lartë të pakënaqësisë. Derisa të martuarit rrojnë më gjatë, kursejnë më shumë dhe në përgjithësi janë më të kënaqur me jetën. Besojmë se pikërisht në martesë bazohen themelet e njeriut, të çiftit dhe të shoqërisë.”

Cilat janë problemet e hasura shpesh në familje dhe a ndihmojnë konsulentët martesorë për t’u ruajtur martesa? A shkojnë bullgarët te specialistët apo diskutojnë problemet familjare me të afërmit dhe shokët?

“Më së shpeshti problemet kanë të bëjnë me komunikimin – sqaron z. Georgiev. – Bëhet fjalë për përplasje personalitetesh, mungesë përvoje dhe status të ndryshëm kulturor. Vetë bashkimi i gruas dhe burrit përbën një shumë të të kundërtave. Ato tërhiqen, por ka fushë konfliktesh. Pikërisht dallimi midis burrit dhe femrës i fus ata në situata ekstreme të cilat ndonjëherë përfundojnë keq. Ka mundësi që të dy të largohen nga njëri-tjetrit dhe të mos i diskutojnë fare problemet, atëherë ndjenjat thyhen. Në këtë rast martesa prishet. Ka dhe shumë gjera të jetës së përditshme të cilat e “vrasin” martesën. P.sh, këto janë pamundësia e menaxhimit të financave, problemet me vjehrrën, probleme në marrëdhëniet seksuale etj. Tradhtia gjithashtu është një sfidë serioze para çiftit. Çdo çift i tertë i cili vjen në kabinetin tim ka përjetuar ndonjë tradhti – qoftë emocionale, qoftë fizike. Në shumicën e rasteve familja ndahet. Për mendimin tim, problemet e një çifti mund të zgjidhen nëse kapen në fazën fillestare. Kjo është siç puna e sëmundjeve.”

Stojan Georgiev është zëdhënës i nismës ndërkombëtare “Java e martesës”, e cila në Bullgari u mbaj për herë të dytë.

“Ideja kryesore është që të binden çiftet në rëndësinë e martesës, thotë specialisti. – Sepse në ditën e përditshme ato hasen me shumë sfida dhe sikur harrojnë se familjes gjithashtu i nevojitet përkushtim. Në sistemin e vlerave familja duhet të jetë patjetër në një nga vendet e para. Sivjet motoja e Javës së martesës ishte “Lër takim gjatë javës”. Jemi përpjekur të mësojmë çiftin se takimi për javë është një gjë shumë e mirë që e ruan martesën, krijon një intimitet më të madh dhe ndihmon në ndërtimin e marrëdhënieve afatgjata. Nisma u pëlqye çifteve, kishte dhe firma të cilat shpërndanë dhurata. Kishte një tombolë për historinë më interesante të dërguar në sajtin tonë.”

Përgatiti në shqip: Anna Kapitanova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Familja në sistemin e vlerave të bullgarit

Më shumë nga rubrika

Presidenti Rumen Radev: Besoj se kemi talent për ta konfirmuar Bullgarinë si një vend sovran dhe të begatë në hartën e Evropës

Çfarë e pret BE-në në vitin 2025

Agjencia Ekzekutive për Bullgarët Jashtë Vendit përcolli një vit të suksesshëm

Programet e shkëmbimit të studentëve lidhin Universitetin е Veliko Tërnovos me shkollat e së dielës jashtë vendit

Zgjedhja bullgare për fjalën e vitit 2024 është Shengen

Kisha Ortodokse Bullgare dhe Radioja Kombëtare Bullgare bashkojnë forcat në mbështetjen shpirtërore të bashkatdhetarëve jashtë vendit