Platforma elektronike bashkon shërbimet ueb për studentët

botuar më 13-05-28 12.02.MD

Foto: campus.egov.bg

Studentët bullgarë kanë qasje te shërbimet e ndryshme ueb lidhur me arsimin dhe realizimin profesional. Kjo u bë e mundur falë platformës elektronike campus.egov.bg, e cila përmbledh faqe të ndryshme akademike në internet. Projekti u realizua me ndihmën e ministrit të zhvillimit të qeverisë elektronike, Roman Vasilev dhe të ministrit të kulturës Nikollaj Milloshev. Platforma mundëson studentët dhe pedagogët në përdorimin e shërbimeve ueb, duke zgjedhur më të rëndësishmet për ta.

Roman Vasilev

“Pjesëmarrja në campus.egov.bg siguron shpërblime atraktive, si p.sh., kurse online, qasje te burimet e ndryshme të informacionit dhe të arsimit, moderatorë në forume të ndryshme, etj”, sqaroi prof. Milloshev. Më hollësisht rreth përparësive të platformës së re elektronike foli z. Vasilev: “Konviktet në vend kërkojnë të kenë Wi-Fi falas dhe në campus.egov.bg të shtohen shërbime të reja elektronike. Bëhet fjalë jo vetëm për mundësitë e stazhit, por dhe për shërbime bashkiake dhe administrative. Me shumë rëndësi është se platforma identifikon vendndodhjen e studentit sipas llogaritjes së tij. P.sh., nëse është student në Plovdiv, në vend të parë platforma nxjerr shërbimet e Bashkisë së Plovdivit. Platforma jep informacionet e fundit.”

Ndaj platformës elektronike janë të integruara dy projekte të rëndësishme të Ministrisë së Kulturës. Këto janë “Bursat për studentët” dhe “Praktika për studentët”. Aktualisht në sistemin ueb të “Praktikës për studentët” janë regjistruar 4 350 punëdhënës, kurse shpalljet e postuara janë mbi 6 400.

“Për herë të parë në Bullgari studentët, pedagogët, punëdhënësit dhe përfaqësuesit e universiteteve do të realizojnë së bashku këtë proces në Internet – komentoi znj. Mirella Hanxhieva nga Ministria e Arsimit, Rinisë dhe Shkencës. – Çdo hap do të bëhet online: aplikimi, miratimi, realizimi etj. Kështu sigurohet transparenca e gjithë procesit akademik. Secili nga përdoruesit e shërbimeve ueb mundësohet të paraqesë veten në mënyrën më të mirë të mundshme. Secili student do të shohë shpalljet për vende të lira pune. Qëllimi është që studentët të bëjnë praktikë sipas studimeve individuale.”

Përgatiti në shqip: Anna Kapitanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Platforma elektronike bashkon shërbimet ueb për studentët

Më shumë nga rubrika

Për të pestin vit radhazi nxënësit e Gorës dhe Gollobordës shënojnë “Festat e fundvitit në mënyrë bullgare"

“Krishtlindjet bullgare” mblodhi 2.9 milionë leva (pothuajse 1.5 milionë euro) për fëmijët në nevojë për trajtim

Magjia e Krishtlindjes - nga bekimi i lashtë deri te shfaqja e plakut të mirë në trojet tona

Shkencëtarët е Akademisë Bullgare të Shkencave mbështetën unitetin e Kishës Ortodokse Bullgare - Patrikanës Bullgare

Simeon Sakskoburggotski: Bullgarët e rinj dhe studiozë janë pasuria e vendit në ditët e sotme