“Zakonisht dashuria ndaj artit lind në fëmijëri. Edhe në jetën time ndodhi kështu – kujton këngëtarja e re Mihaella Fileva. – Isha 6 vjeçe, kur fillova t’i bie pianos, kurse pak më vonë fillova të këndoj. Zhvillova ndjenjën time ndaj muzikës dhe teknikën time vokale në shkollat në Veliko Tërnovo. Në këtë periudhë merrja pjesë aktivisht në konkurse më të ndryshme, sepse kjo ishte mënyra e vetme për t’u krahasuar me moshatarët e mi, të kuptoja nivelin tim. Ka dhe diçka tjetër – në sallat, ku bëjmë provat për shfaqjet tona është më lehtë. Nuk i ka faktorët “adrenalinë” dhe “ethet e skenës”. Prandaj është mirë të merrni pjesë në konkurse të tilla, sepse në këtë mënyrë mësoheni të jeni në skenë, të paraqiteni mirë, kur jeni në tension të madh. Kam kujtime shumë të bukura nga kjo periudhë – udhëtime, miqësi, argëtime. Jam e lumtur, sepse edhe sot e kësaj dite takohem me këta njerëz. Kemi marrë pjesë së bashku në konkurse të ndryshme, kurse sot jemi bashkëstudentë në Akademinë Muzikore në Sofje. U rrita bashkë me ta, edhe si njeri, edhe si muzikante. Sa për rrugën time, kishte periudha kur pragmatizmi dhe arsyeja mbizotëronin para dëshirës për të krijuar muzikë. Meqenëse kisha mbaruar Gjimnazin e Matematikës u regjistrova në specialitetin “Software inxhinierik” në Universitetin e Sofjes “Shën Klimenti i Ohrit”, por nuk u ndjeva e kënaqur. E ndikuar nga emocioni, dhashë provime në Akademinë Muzikore. Pika e kthesës erdhi pasi pashë se isha e para në listën e kandidatëve të miratuar. I thashë vetes se kjo është shenjë dhe mora vendim kategorik të jepem pas muzikës. Tani jam studente në klasën e docentes Stefka Onikjan – një njeri me përvojë shumëvjeçare skenike. Sa për stilet muzikore të preferuara nga unë – më pëlqen shumë të këndoj soul, R & B, Neo Soul, Funk. Frymëzohem dhe mësohem nga xhazi. Në qoftë se ka diçka në jetë, për të cilën ndihem krenare, ky është fakti se jeta ime, “puna ime”, (e them këtë në thonjëza, sepse këndimi nuk është punë, por kënaqësi për mua) argëtimet – e gjithë kjo është muzikë.”
Në vitin 2011 Mihaella Fileva mori pjesë në garën televizive për këngëtarë të rinj “X-faktor”, ku fitoi shumë fansa. “Pjesëmarrja ime në këtë shou ishte një hap shumë i rëndësishëm për mua –tregon Mihaella. – Ky forum përveç se më solli popullaritet, më dha dhe shumë përvojë.”
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e muzikës në Plovdiv dhe pas kësaj edhe në akademinë e muzikës në Sofje. Që në moshë të re merrte pjesë..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re kozmosit të tij muzikor. Më 19 shtator, në Sofje, muzikantët do të prezantojnë me një koncert..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e kryeqytetit tonë Sofje – një qytet i lashtë me histori mijëvjeçare. Kryeqyteti i Bullgarisë - Sofja..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..