Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

“Taxh Mëhalla” – albumi debut i Formacionit “RomaNeno”

Foto: facebook.com

Muzikë rome, të interpretuar në mënyrë moderne – këtë ia ofron adhuruesve të tij muzikanti i talentuar i xhazit Mihail Josifov në projektin e vet të ri “Taxh Mëhalla”. Në të trumbetari bashkë me Formacionin “RomaNeno” interpretojnë në një mënyrë të re disa prej këngëve më të njohura rome.

Albumi “Taxh Mëhalla” përmban tetë këngë, plot me emocione si dhe një pjesë instrumentale. Në prezantimin e albumit të pranishmit ishin surprizuar këndshëm nga gërshetimi i shkëlqyer i muzikës rome dhe i xhazit, dhe nga orkestrimi shumë i mirë i Mihail Josifovit. Autor i shumë prej këngëve është Neno Ilievi, i cili i bie fizarmonikës dhe është këngëtar në “RomaNeno”. Ja se çfarë tregoi ai për projektin: “Ky është një projekt, të cilin prej disa viteve po e realizojmë me muzikantët Neno Iliev, emrin e të cilit e ka formacioni, Vasil Spasovi – piano, Vencisllav Radev – bateri, Velisllav Stojanov – cugtrombon. Për albumin bashkë me ne incizime bëri dhe Gjeorgi Donçev – kontrabas, por mbasi ai jeton jashtë shtetit në vendin e tij në kohën e prezantimit i bie muzikës Boris Taslev. Për incizimin e albumit ftuam dhe Desi Dobreva dhe Boril Iliev.”

© Foto: facebook.com

Këngëtarja Desi Dobreva gjithashtu mori pjesë në projekt

Si Mihail Josofovi u takua me muzikantin rom Neno Iliev? “Me Nenon u njohëm kur ishim përfshirë në projektin e Martin Lybenovit – një fizarmonicist shumë i talentuar rom. Atëherë një përshtypje shumë të fortë më bëri talenti i Nenos dhe zëri i tij – tregon Mihail. – Disa prej këngëve në këtë projekt janë melodi tradicionale rome, të tjerat janë kompozuar nga autorë bashkëkohorë romë si Tosen Ramar, Dimitër Cvetanov si dhe nga i ndjeri Shaban Bajramoviç nga Serbia. Kur e bëmë këtë projekt s’kishim në plan ta incizojmë në album, kurse vetëm të interpretojmë muzikën që na pëlqen, zakonisht në klube dhe dasma. Dhe kudo këngët e interpretuara prej nesh dhe të përfshira në diskun u pëlqejnë shumë njerëzve.”

Projekti në fjalë tashmë është prezantuar edhe në festivale të ndryshme muzikore në vendin dhe jashtë shtetit. Në Gjermani dhe Holandë publiku internacional e priti me duartrokitje dhe brohoritje. Me “Taxh Mëhalla” muzikantët e Formacionit “RomaNeno” na sjellin një hare të mrekullueshme, siç e bëjnë këtë vetëm njerëz me zemra dhe shpirt të hapur. Në mbyllje të programit do t’ju ofrojmë akoma një këngë tjetër nga albumi-debut i Formacionit “RomaNeno” –Taxh Mëhalla”.

Përgatiti në shqip: Gyulka Ilieva
По публикацията работи: Sibila Lilova


Последвайте ни и в Google News Showcase, за да научите най-важното от деня!

Më shumë nga rubrika

Kirill Mariçkov

U nda nga jeta muzikanti i dashur bullgar Kirill Mariçkov

Ka ndërruar jetë këngëtari, muzikanti dhe kompozitori bullgar Kirill Mariçkov. Tragjedia ka ndodhur në një incident në fshatin Sellanovci (Bullgaria Veroperëndimore), ku muzikanti i rock-ut duhej të kishte një koncert me "Fondacijata", njoftoi..

botuar më 24-10-11 9.24.MD

"Vjedhësi i ëndrrave" – kënga më e fundit e DARA

Muzika e këngëtares DARA është po aq shumëngjyrëshe sa ajo. Dhe këtë e vërteton edhe kënga e saj e fundit "Vjedhësi i ëndrrave". Në të, këngëtarja e re zhvillon një dialog të sinqertë me kritikun e saj të brendshëm - atë zë që shpesh na qorton dhe na..

botuar më 24-10-11 8.10.PD

"Basët bullgarë për Boris Hristov" do të luhet në pesë qytete me rastin e 110 vjetorit të lindjes së këngëtarit të madh të operës

Këngëtarët bullgarë të operës dalin në skenë për të nderuar Boris Hristovin në 110-vjetorin nga lindja e tij. Të mishëruar në role emblematike të këngëtarit të madh, por edhe me një dozë ngacmimi artistik, ata do të kujtojnë triumfet e tij botërore me..

botuar më 24-10-11 7.35.PD