Tenisti më i mirë bullgar Grigor Dimitrov vazhdon përpara në ranglistën botërore. Në Australi tenisti ynë arriti çerekfinalet, duke mundur Roberto Bautista-Agut nga Spanja me 6-3, 3-6, 6-2 sete. Në raundin tjetër Dimitrov do të ndeshet me liderin botëror Rafael Nedal nga Spanja.
Tenistja numër 1 e Bullgarisë Cvetana Pironkova u deklasifikua nga turneu në Australi. Bullgarja pësoi humbje nga kampionia e US Open Samantha Stosur. Pironkova shtoi edhe 70 pikë të tjera në ranglistën botërore.
Petja Nedellçeva arriti gjysmëfinalet e Turneut Ndërkombëtar të Badmintonit në Uppsala të Suedisë, duke fituar medaljen e bronztë. Bullgarja humbi nga e para në skemë Kirsty Gilmour nga Skocia me 16:21, 21:14, 10:21. Motrat Stefani dhe Gabriella Stoeva ia sollën Bullgarisë edhe një medalje tjetër të bronztë, pasi arritën gjysmëfinalet për çifte. Ato pësuan humbje nga L. Kruse-M. Roepke nga Danimarka me 15:21, 19:21.
Krasimir Anev përfundoi në vendin e shtatë në biatlonin 12.5 kilometra në qendrën e dimrit Antholc-Anterselva të Italisë, duke treguar se është gati për Lojërat Olimpike në Soçi. Bullgari përfundoi pa gabim në qitjet brenda 31 minutave e 38.7 sekondave. Vlladimir Iliev përfundoi në vendin e pesëmbëdhjetë, gjithashtu pa gabim në katër qitjet. Garën e fitoi Simon Shemp nga Gjermania me kohë 31 minuta e 20.6 sekonda, Jean-Guillaume Beatrix nga Franca u rendit në vendin e dytë, ndërsa i treti u bë Henrik L’Abee-Lund nga Norvegjia.
Bullgari Aleksandër Konstadinov fitoi medaljen e bronztë në turneun e mundjes klasike “Ivan Podbuni” në Tymen të Rusisë. Në kategorinë deri 59 kg stil të lirë ai pati 6 ndeshje. Në gjysmëfinalet bullgari pësoi humbje nga Ivan Kujljakov nga Rusia, i cili fitoi arin në këtë kategori.
Bullgari Kalojan Mahljanov-Kotooshu arriti fitoren në raundin e tetë të turneut të sumos në Tokio. Deri tani ai ka pesë fitore dhe tri humbje. Sportisti tjetër bullgar i sumos Daniell Ivanov-Aoiama është me tri fitore dhe pesë humbje. Të dy bullgarët u ndeshën në raundin e mëparshëm ku fitues u bë Kalojan Mahljanov- Kotooshu.
Përgatiti në shqip: Anna Kapitanova
Maja e katërt më e lartë në malin Rilla, e njohur deri tashti si "Pa emër", tani do të mbajë emrin e alpinistit Ljudmill Jankov në kujtim të alpinistit të ndjerë bullgar dhe heroit të ekspeditës bullgare në Everest në 1984. Kjo bëhet me dekret të..
Zhytësit bullgarë fituan shtatë medalje në garën e parë të vitit në kalendarin e Federatës Ndërkombëtare të Notit në Eindhoven (Holandë). Cvetomir Ereminov zuri vendin e parë tek meshkujt në zhytjen nga një platformë, me gjithsej 35 415 pikë. Së bashku me..
Pasi u bë e qartë se Federata Bullgare e Peshëngritjes kërcënohej me falimentim për shkak të gjendjes së rëndë financiare, lideri i DPS-Fillimi i Ri Deljan Peevski u takua me kryetarin e federatës Stefan Botev dhe u angazhua për zgjidhjen e problemit. Falë..
Vranësira të dendura
Vranësira
Pjesërisht me re