Paskan të reja prej tenistit bullgar Grigor Dimitrov. Mirëpo, këto nuk kanë të bëjnë vetëm me të dashurën e tij Maria Sharapova, megjithëse tema rreth çiftit vazhdon të jetë “e nxehtë”. Në Majami kur tenisti bullgar jepte konferencë për shtypin erdhi Novak Xhokoviç – “le të flasim”, ia drejtua Grigorit. “Miku im Grigor është më i bukuri i turneut të tenisit. Nuk ka nevojë të flisni shumë për tenis. Ai arriti suksese të larta sivjet. Prandaj le të flasim për vizionin tënd”. “Çfarë do të dish” – e pyeti Grigor, duke buzëqeshur. “Cilën nga karamelet “Shugarpova” parapëlqen?”. “Atë me shijen pak të limonit (Flirty Sour)”, u përgjigj tenisti bullgar në lidhje me karamelet me markën e Maria Sharapovës.
Mirëpo, kjo nuk ka lidhje me temën.... Le të rikujtojmë sukseset e fundit të Grigorit në sport.
Në Majami tenisti numër 1 i Bullgarisë u eliminua nga rrethi i tretë, pasi pësoi humbje nga “samuraji” Kej Nishikori. Si duket, në të ardhme japonezi do të bëhet një nga kundërshtarët seriozë të tenistit bullgar. Megjithë humbjen, ditën e hënë Grigor regjistroi rekordin e Bullgarisë, duke u renditur në vendin e 15-të të ranglistës ATP. Kjo do të thotë se këtë verë, po të qëndrojë në formën e tij të mirë dhe po të ndjekë programin e suksesshëm të trajnerit Roxher Rashid, Grigor do të klasifikohet në të dhjetëshen e botës.
Këtë fundjavë Grigor Dimitrov do të shndërrohet në “tehun” e skuadrës bullgare për Kupën Davis kundër Greqisë. Ndeshja është vendimtare për të mbetur në Grupin e dytë Euro-afrikan të turneut jo zyrtar botëror të skuadrave të tenisit. Në Athinë gara pritet me interes të madh. “Një yll i rangut botëror do të shkelë fushat e tenisit të klubit “Iliupolis”, lexohet në mediat greke.
Përgatiti në shqip: Anna Kapitanova
Karlos Nasar u shpall zyrtarisht peshëngritësi më i mirë në botë për vitin 2024. Gjatë këtij viti, me rekordet e tij të përmirësuara olimpike dhe botërore, peshëngritësi bullgar u bë kampion evropian, bote dhe olimpik. “Kam marrë një çmim tjetër që e kam..
Në Bullgari flitet pak për mundjen e dorës si një sport prestigjioz, por vendi ynë mund të mburret se është një fuqi botërore dhe atletët tanë janë bërë kampionë të Evropës dhe botës më shumë se një herë. Falë sportistëve si Pllamen Dimitrov, Cvetan..
Peshëngritësi bullgar Karlos Nasat fitoi një tjetër çmim prestigjioz të Kampionatit Botëror të Peshëngritjes. Ai u emërua Peshëngritësi Nr. 1 në mesin e 232 pjesëmarrësve të garës në kryeqytetin e Bahreinit, Manama. Rekordi i tij botëror prej 405 kg në..
Karlos Nasar u shpall zyrtarisht peshëngritësi më i mirë në botë për vitin 2024. Gjatë këtij viti, me rekordet e tij të përmirësuara olimpike dhe botërore,..