Më 15 dhjetor 2014 primadona operistike Rajna Kabaivanska feston ditëlindjen e sajtë 80-të. Me këtë rast Universiteti i Ri Bullgar organizoi disa ngjarje. Rajna Kabaivanska është doktore nderi i këtij universiteti dhe në të ajo ka klasa mjeshtërore. Pas interesit të madh ndaj ekspozitës “Rajna Kabaivanska – role dhe kostume” gjatë muajit tetor, tani është organizuar një ekspozitë tjetër. Në të janë përfshirë 80 fotografi artistike që ruajnë çaste nga puna e përbashkët e këngëtares me emra të mëdhenj si Kallas, Pavarotti, Domingo, Carreras.
Ka këngëtarë, të cilët publiku i njoh dhe i dëgjon atëherë, kur janë në skenë. Ka edhe të tillë, që mbeten në histori me individualitetin e tyre dhe me rolet e shkëlqyeshme. Rajna Kabaivanska është një këngëtare, e cila ka krijuar modele për interpretimin e disa prej roleve më të fuqishme për soprano – Toska, Adriana Lecouvreur, Madame Butterfly, Françeska da Rimini.
Shumë janë rolet e Rajna Kabaivanskës – japonezja e vogël tragjike dhe primadona Toska, Manon Lesko provincialiste në rolin e një gruaje kurtizane, Luiza – mëkatarja e shkret. Shumë të fuqishme janë interpretimet e saj të karaktereve të Verdit – Elizabet mbretërore, Dezdemona delikate apo gruaja kurtizane Violeta. Në çdo një rol ajo është e ndryshme, çdo një rol e interpreton në mënyrën e saj karakteristike dhe të papërsëritshme, çdo një rol mban shenjën e këngëtares së madhe. Mund të them se Toska është një nga imazhet e saj më të forta, i xhiruar në filmin e Xhanfranko de Bozio të vitit 1976.
Rajna Kabaivanska ka kënduar bashkë me figurat më të mëdha të skenës operistike. Në karrierën e saj ka shumë role. Këtu mund të përmendim Emilia Marti të kompozitorit çek Leosh Janaçek. Në skenë ajo gjithmonë është artistike, inteligjente dhe e bukur dhe punon fort mbi detajet e vogla të çdo një imazhi.
Dhe këtu duhet të përmendim puna e saj si pedagoge. Ajo ka klasa mjeshtërore në Itali dhe Francë. Që nga viti 2001 ajo ka klasa mjeshtërore edhe në Universitetin e Ri Bullgar. Shumë prej studentëve të saj po këndojnë në skenat e mëdha të Evropës.
Madhështore, e rafinuar, me stil të vet – një primadona e vërtetë, që na kujton për epokën, në të cilën arti ishte një dhuratë shpirtërore, jo një mall i etiketuar për shitje. Ndoshta Rajna Kabaivanska është dama e fundit e madhe e kohës, në të cilën vlerësohet jo vetëm zëri, por edhe shfaqja skenike në tërësi. Një kohë, në të cilën opera drejton mesazhe dhe formon shpirtin e publikut.
Përgatiti në shqip: Jordanka Ivanova
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan banorëve dhe vizitorëve të kryeqytetit të vjetër bullgar koncerte, shfaqje opere dhe baleti,..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..