Më 22 prill Orkestra e Muzikës Popullore të Radios Kombëtare Bullgare do të japë një koncert me titull “Ritmi i Ballkanit”. Veprimtaria do të mbahet në studion e koncerteve të radios. Më 21 prill po këtë program orkestra e prezantoi në Teatrin Dramatik “Nikolla Vapcarov” në qytetin Bllagoevgrad.
“Ritmi i Ballkanit” është një cikël, të cilin Orkestra e Muzikës Popullore pranë Radios Kombëtare Bullgare e realizon gjatë dy stinëve të fundit. Koncertet e bashkuara nën këtë moto japin mundësi, që publiku të njihet me solistë të mrekullueshëm, përfaqësues të vendeve të rajonit tonë. Padyshim për mrekullinë e koncerteve kontribuojnë edhe muzikantët e orkestrës popullore. Ata jo vetëm që e shoqërojnë ekzekutimet e miqve, por ekzekutojnë pjesa bullgare. Dirigjenti Dimitër Hristov është i bindur, se edhe kësaj here programi është jashtëzakonisht interesant: “Nga Turqia të pranishmit do të dëgjojnë Derja Tjurkan – një ekzekutues i njohur i veglës së quajtur kemençe. Ai ka dhënë koncerte në mbarë botën – në SHBA-në, Francë, Spanjë, Belgjikë, Greqi. Në vendin tonë është i njohur me albumet, që janë afro 5 ose 6. Në skenë do të dalë edhe Millan Zavkov – dirigjent i orkestrës pranë Ansamblit Folklorik “Tanec” të Shkupit. Jam i bindur, se Kirjakos Tapakis nga Greqia është ndër muzikantët më të mirë të kohës sonë. Do të prezantojmë kolegun serb Bora Dugiç, i cili i bie veglës muzikore me emrin frulla – një vegël muzikore e cila i ngjan fyellit. Ai është njeri nga solistët e Orkestrës së Radios dhe Televizionit të Beogradit. Krahas kësaj ai bënë pjesë në projektin e Zhordi Savall, në të cilin është bashkë me fyelltarin e orkestrës sonë Nedjallko Nedjallkov. Do të dëgjojmë ekzekutimet e Bora Dugiçit në shoqërim të fizarmonicistit Boban Prodanoviç, gjithashtu nga Serbia. Admiruesit, që do të vijnë, do t’u kënaqen ekzekutimeve të shkëlqyeshme prej virtuozi të fizarmonicistëve nga Maqedonia dhe Serbia.”
Në program ka disa pjesa orkestrale – “Lojëra ballkanike”, “Variacione folklorike” nga Georgi Andreevi dhe “Meshanica” nga Angell Dobrev – tamburist dhe solist i orkestrës. Koncerti do të përfundojë me pjesën “Arap” sipas emrit të një valle me të njëjtin emër nga krahina e malit Pirin. Ajo u krijua posaçërisht për koncertin dhe do të ekzekutohet nga orkestra dhe nga të gjithë solistët. Kështu do të plotësohet me përmbajtje motoja e koncertit “Ritmi i Ballkanit”.
Përgatiti në shqip: Svetllana Dimitrova
Orkestra e Muzikës Popullore e Radios Kombëtare Bullgare, e drejtuar nga maestro Dimitër Hristov , po përgatit një turne pranveror në mars. Të ftuar specialë solistë të "Orkestrës së Solistëve" në koncerte do të jenë këngëtarët Petja Paneva dhe..
Viktoria Gllavçeva këndon që nga mosha 4-vjeçare dhe ka fituar një sërë çmimesh, por një popullaritet të veçantë fitoi pas pjesëmarrjes në formatin televiziv "Zëri i Bullgarisë". Gjysmë viti më vonë prezantoi këngën e saj të parë “Flakadani” me muzikë..
Dy artistë të gjeneratave të ndryshme, por me një vizion të ngjashëm muzikor, takohen në një duet – këta janë Grafa dhe Dara Ekimova, dhe kënga e tyre e përbashkët është “Asnjë moment”. Grafa krijoi ritmin dhe një pjesë të melodisë ndërsa..
Viktoria Gllavçeva këndon që nga mosha 4-vjeçare dhe ka fituar një sërë çmimesh, por një popullaritet të veçantë fitoi pas pjesëmarrjes në formatin..
Orkestra e Muzikës Popullore e Radios Kombëtare Bullgare, e drejtuar nga maestro Dimitër Hristov , po përgatit një turne pranveror në mars. Të..
Vranësira
Pjesërisht me re
Vranësira të dendura