Vera është sitna, gjatë së cilës koncertet organizohen në të hapur – nën qiellin plot me yje dhe me flladin e mbrëmjes së qytetit. Prandaj dhe qyteti Pravec bëhet një skenë e madhe për edicionin e radhës tradicional të Festivalit Ndërkombëtar Muzikor “Festat e Mozartit”. Edicioni i njëmbëdhjetë i festivalit do të kalojë nën shenjen e shifrës 175. Pse – do te na shpjegojë Drejtori artistik i festivalit Hristina Angellakova:
“Kemi një përvjetor të shënuar 175 vjet nga vdekja e Paganinit, si dhe nga lindja e Çajkovskit dhe Klod Mones. Më 13 gusht, aktiviteti çelet me “Flauta magjike”, një shfaqje të Operës së Ruses. Ditën tjetër do të jetë koncerti me rastin e përvjetorit të Paganinit dhe të Çajkovskit. Për të kemi ftuar violinistin polak Mariush Patira, i cili është njeri prej laureatëve të Konkursit “Paganini” në Gjenova, dhe dirigjentin Zhoze Marija Florensio nga Brazili. Maratona e gjatë do të fillojë me përvjetorin e piktorit Klod Mone. Linja impresioniste nga tablotë e tij do të kalojë në muzikën e Debisit dhe Ravelit, në interpretim të pianistit Ilja Ovçinnikov dhe violinistes Verustinija Shtur-Ovçinnikova nga Rusia dhe këngëtarëve Joana Kadijska dhe Aleks Avedisjan. Maratona do të përfundojë me monospektaklin “Nga Piaf deri në Mambo italiano”.
Ditën e dytë për spektatorët e vegjël është shfaqja e mëngjesit “Figaro do Mozartin dhe Rosinin”. Fëmijët do të maskohen si Mozarti dhe bashkëshortja e tij Konstanca, do të vizatojnë, do të këndojnë, do të kënaqen për miniaturat e balerinave të vogla nga Vatra e kulturës, të cilët do të vallëzojnë nën tingujt e të vetmit balet të kompozitorit. Në mbrëmje është spektakli muzikor-koreografik mbi Rekuiemin e Mozartit.
Sipas traditës festivali do të mbyllet me një koncert gala në sheshin para Bashkisë. Ai është “Muzikë klasike dhe pop” me pjesëmarrjen e këngëtarëve të operës, korit dhe orkestrës së Operës së qytetit Ruse me dirigjent Zhoze Marija Florensio. I është kushtuar jubileut të këngëtares së madhe operistike Hristina Angellakova. Ajo do të jetë e ftuara e posaçme e “Takimit me autograf” , në të cilin do të shfaqet dokumentari me momentet nga biografia e saj të pasur artistike.
Dëgjojmë tani një interpretim të Hristina Angellakovës – “Habanera” nga opera “Karmen” e Bizes.
Përgatiti në shqip: Sofia Popova
Koncerti i supergrupit “Fondacijata” (Fondacioni), ditëlindja e këngëtarit Kirill Mariçkov dhe Dita e Rokut Bullgar – këto tri ngjarje bashkohen në një më 30 tetor në Sofje. Ky koncert i madh do të bashkojë në një skenë grupet legjendare të rokut..
Si një emër tashmë i njohur në skenën muzikore bullgare, Grafa gjithmonë mbështet artistë të rinj dhe të talentuar. Kënga e tij më e re, “Secili prej nesh”, është një duet me Robi – një këngëtar shumë i njohur nga brezi më i ri i artistëve...
Bukuroshja gjeorgjiane me një zë të mrekullueshëm mezzosoprano, Ekaterine Buachidze dhe baritoni karizmatik rumun Mihai Damian, janë mbajtësit e çmimit të parë në kategorinë “Opera” të konkursit të famshëm të këngëtarëve “Operalia”, i cili u zhvillua..
Pjesërisht me re
Vranësira të dendura