Minço Minçev është një violinist i madh dhe pedagog i shquar. Është specializant i prof. Ifra Nijman. Ka fituar tri çmime të para të “Karl Flesh” në Londër, është laureat i një sërë konkursesh të autoritetshme ndërkombëtare. U bie violinave “Guarneri” dhe “Stradivari – baron Vitgenshtajn” – vepër e mjeshtrit të madh italian gjatë vitit 1716. Që nga viti 1990 është profesor në “Folkvang Hohshule” në Esen të Gjermanisë. Ka pasur shfaqje muzikore në “Karnegi Hol” – Nju Jork, në “Qendrën Kenedi” – Uashington, në “Bolshoj Teatër” dhe në sallën “Çajkovski” në Moskë, në "Festival Hol" dhe “Rojal Albert Hol” në Londër etj.
Le të rikujtojmë se Emill Çakërov ka qenë asistent dhe bashkëpunëtor i Herbert fon Karajan në vazhdim të shumë viteve. Ka qenë dirigjent në Filarmoninë e Berlinit, në Orkestrën Simfonike të Bostonit, në Filarmoninë e Izraelit, në Orkestrën Kombëtare të Francës, në Orkestrën Simfonike të Londrës, në Orkestrën e Los Anxhelosit etj. Në vitin 1986 ai themeloi “Festivalin e Vitit të Ri” në Sofje, i cili zhvillohet edhe sot e kësaj dite. Ka qenë udhëheqës i Orkestrës së Festivalit të Sofjes, e cila gjithashtu u themelua me ide të tij. Çakërov ishte i njohur edhe si dirigjent operistik. “Kovënt Gardën”, Londra, “Metropolitën”, Nju Jork, “Shkalla e Milanos” janë vetëm disa prej teatrove të mëdhenj operistikë, ku ai ka qenë dirigjent i veprave të mëdha klasike. Emill Çakërov u nda nga jeta në moshën 43 vjeçe në vitin 1991.
Prof. Minço Minçev na tregoi për koncertin e të atit dhe birit Minçevi, kushtuar dirigjentit të njohur, si edhe për koncerte të tjera të përfshira në programin e “Verës së Varnës”:
“Isha i lumtur se bashkë me birin tim ia kushtuam këtë koncert Emilit, i cili u nda nga jeta para 25 vitesh. Ai ishte një muzikant shumë i talentuar dhe special. Ishim së bashku në Shkollën Muzikore. Ishim miq, kishte besim të madh midis nesh. Programi i interpretuar nga unë dhe biri im për nder të Emilit ishte për dy violina dhe një violinë dhe violë. Salla e Universitetit të Ekonomisë në Vinica – Varna, të cilën e përdorëm për disa prej koncerteve të “Verës së Varnës”, është e mrekullueshme. Rektori i Universitetit Prof. Iliev është një njeri i përgjegjshëm për këto lloje koncertesh dhe bashkëpunon me ne.”
“Kuarteti gjerman “Orfeus” mbajti një koncert të shkëlqyeshëm – vazhdon prof. Minçev. Shumë i bukur ishte koncerti kushtuar përvjetorit të Jehudi Menuhinit. Desha të shënoj edhe recitalin e Georgi Vasilevit – kitarë klasike. Festivali “Vera e Varnës” është një festë e vërtetë, e cila prezanton aspekte të ndryshme të artit muzikor.”
Përgatiti në shqip: Vesella Mançeva
DeepZone Project vazhdon linjën në të cilën ata interpretojnë në një mënyrë të re këngët e njohura nga autorë dhe interpretues bullgarë. Këtë verë muzikantët prezantojnë një nga këngët më të dashura bullgare - "Ti", kënduar fillimisht nga Nina..
Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art. Pasi kaloi nëpër formate të ndryshme televizive, ajo vendosi të..
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së..