Le të përfytyrojmë për një moment një botë, e përmbushur me heronj nga filmat tanë të dashur vizatimor. E tillë është ajo për vajzën, me të cilën do t’u takojmë sot. Njihuni me Joanna Viktorovën. Ajo fillon të pikturojë akoma si fëmijë, por prej 6 vjetëve e ka zgjedhur artin e pikturimit si puna të vet. Thotë se gjithmonë e ka ditur se, pikërisht kjo do t}i sigurojë një pavarësi dhe mundësi që vetë të kujdeset për veten e vet. Mbase do të thoni, një klishe e zakonshme, se një artist ose një muzikant nuk ushqen shtëpinë, por Joanna është një dëshmi e shkëlqyer për të kundërtën. Ajo hedh poshtë edhe një mit tjetër se, tek ne bullgarët e rinj nuk mund të realizohen, kurse shpëtimi i vetëm për ta është aeroporti. Në fakt mjafton që ata të kenë qëllim, dëshirë, talent dhe këmbëngulje. Suksesi për vajzën e re vjen në momentin, kur shikon diçka, të cilën e ka pikturuar dhe ajo e pëlqen atë, pa rëndësi se çfarë mendojnë njerëzit e tjerë. Kurse për frymëzimin  mendon se, fshihet në çdo gjë përreth – një ndonjë libër ose film të mirë, në natyrë, në takimet me njerëzit, në emocionet personale dhe në mendimet e njeriut.

Joanna i boton krijimet e veta në sajtin e saj dhe në faqen e Facebookut. Në fillim të muajit një prej tyre – “Razkajanieto” (“Pendimi”) fiton një popullaritet të papritur, pas paraqitjes në një faqe, ku është parë prej mbi gjysmë milionë veta. Ja se çfarë e frymëzoi vajzën e re, që ta bëjë këtë pikturë dhe të lërë një vijë të përgjakur pas vetes:

“Duhej të ishte më tepër një fije e kuqe. Ashtu siç tingëllon titulli, më frymëzoi vet pendimi. Një natë, në të cilën në vend që të fle, truri im vendosi të merret me mendime dhe kujtime të errëta.”

Ajo e pikturoi këtë vepër përpara 1 viti, kur ka kaluar përmes një periudhe të rëndë në jetën e saj dhe ka rimenduar shumë nga veprimet e veta. Ata, të cilët e kanë parë pikturën e saj, i shkruajnë me shumë falënderim se artistja mundej të pasqyronte pikërisht emocionet e tyre. Joanna mendon se, njerëzit e pranojnë artin në mënyrë të ndryshme. I njëjti krijim mund të mbajë mesazhe të ndryshme për njerëzit e ndryshëm.

Përveç pikturave, ajo ilustron libra, krijon filma vizatimor dhe heronj për lojëra kompjuterike. Nga kompania, në të cilën e kanë marrë në punë, janë mahnitur nga talenti i saj dhe sot ajo është autorja e mbi 10 heronjve të lojërave të njohura. Shkruan poezi për gjërat, të cilat e emocionojnë. Por cilët janë për të heronjtë më të preferuar nga filmat e vizatuara dhe sa janë ndryshuar filmat vizatimor sot:

“Kam shumë heronj të dashur vizatimor nga Cartoon Network dhe Foks Kids me të cilët u rrita. Nuk jam e sigurt, se tani është më keq, por është më e ndryshme. Pavarësisht se mungon deri diku bukuria e filmave të dikurshëm vizatimor të Disnit. Tani thjesht gjërat rastisin më shpejt me teknologjitë e reja. Filmat vizatimor ndryshohen, por akoma janë të dobishëm për fëmijët. Në qoftë se ata shikojnë filmat që duhet, mund të mësojnë shumë për mirësitë e vërteta dhe vlerat në jetë. Ato do të ushqejnë dhe besimin e tyre në të mirën, të cilën ne të moshuarit filluam ta humbasim. I urojmë sukses Joannës dhe shpresojmë, se me historinë e saj, mundëm të kthejmë shpresën se, në Bullgari ka një të ardhme për secilin prej nesh. Është i nevojshëm vetëm vullnet dhe dëshirë të ndjekim rrugën, të cilën e kemi nisur, pavarësisht nga mendimi i të tjerëve.”

Përgatiti në shqip: Nataniela Vasileva