Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Yotzov Clarinet Sextet – muzika nga epoka të ndryshme në ekzekutim të muzikantëve të shkëlqyer

БНР Новини
Foto: arkiv personal

Një muzikant i mirë mund të bëjë mrekulli, mjafton që ambienti i tij të jetë i përshtatshëm dhe të ekzekutojë muzikën, të cilën ai e pëlqen. Dhe mund të thuhet se kjo është e fshehta e instrumentistëve të shkëlqyeshëm nga “Yotzov Clarinet Sextet”. Formacioni interpreton muzikë të stileve të ndryshme – Bah, Çajkovski, Rimski-Korsakov, Joe Cocker, Queen, xhaz, pop, etno...

Krijuam bandën tonë në mënyrë spontane – tha Borisllav Jocov, themeluesi i sekstetit. – Unë jam profesor në Shkollën Muzikore dhe në Akademinë Muzikore në Sofje, kam nxënës dhe studentë të mrekullueshëm. Gjithmonë ekzekutoj me ta dhe mendoj se kjo është një nga gjërat e rëndësishme në procesin e mësimit – profesori të ekzekutojë bashkë me nxënësit në skenë, jo vetëm në klasë. Kështu ai tregon në praktikë gjërat, për të cilat flet në teori. Në vitin 2011 ndër studentët e mi ishin anëtarët e tanishëm të sekstetit. Ideja lindi me një koncert, pastaj filluam të grumbullojmë repertorin tonë dhe të ndërmarrim angazhime të ndryshme muzikore. U bë e qartë se Javor Gajdov – basklarinetisti i bandës është shumë i mirë në aranzhim. Pak nga pak zgjeruam edhe veglat – me piano dhe kahon.

Borisllav Jocov është nga një familje e madhe e muzikantëve. Nëna e tij Rina Ranxheva ishte pianiste, babi i tij Georgi Jocov në vazhdim të dekadave ishte oboisti i parë i Filarmonisë së Sofjes.

Për mua modelet për muzikantë gjithmonë kanë qenë në familjen time dhe muzika klasike dhe xhazi kanë qenë pjesë e jetës sime. Vëllai im më i madh Hristo Jocov është baterist i shquar dhe kompozitor është. Muzikantët, me të cilët ai ekzekutonte shpesh vinin në shtëpi. Jam rritur me ta – emra si Bojan Vodeniçarov, Antoni Donçev dhe shumë të tjerë. Atëherë ata ishin akoma nxënës në shkollën muzikore.

“Yotzov Clarinet Sextet”është formacioni i parë i tillë tek ne. Se si muzikantët zgjedhin repertorin e tyre na tregoi përsëri Borisllav Jocov:

“Pavarësisht nëse ekzekutoj muzikë klasike nga biblioteka ime, apo bëjmë gjëra të reja dhe moderne – kriteret për zgjedhje janë të njëjta – t’i afrohemi me anë të muzikës sa më shumë publikut. Sipas meje kjo është më e rëndësishmja. Shumë njerëz, bile shumë muzikantë cilësor përdorin mendimin e tyre si kriter i vetëm. Unë përdor parimin “pyetje – përgjigje”. Muzikantët e rinj gjithashtu japin ide dhe kjo është një punë e përbashkët. Ne nga seksteti i klarinetave bëjmë muzikë me karakter improvizimi, mirëpo nuk jemi improvizues – gjithçka është shkruar në partiturë. Pavarësisht nga kjo kemi lirinë që të zbukurojmë linjat muzikore dhe të shtojmë gjëra në momentin e ekzekutimit.”

“Yotzov Clarinet Sextet” merr pjesë në festivale dhe shpesh organizon koncerte. Koncerti i tyre tjetër është më 8 shkurt në Studio 5 në kryeqytet.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Pavell Balev – dirigjenti botëror i premierave bullgare

Për tre dekada me radhë, Pavell Balev gëzon një karrierë të jashtëzakonshme në Evropë, Azi dhe Amerikë. Ai është dirigjenti bullgar më i respektuar në Gjermani dhe Austri, Francë dhe Zvicër, Danimarkë dhe Sllovaki, Rusi dhe Kinë, Tajvan dhe Singapor...

botuar më 25-08-20 7.00.PD

Toma vjen me këngën e re: "Unë jam"

Toma është një këngëtar me stil të lehtë të dallueshëm, i orientuar drejt një tingulli më të fortë. Pas një sërë koncertesh të suksesshme dhe me përbërje tërësisht të re të grupit të tij, Toma prezanton tani këngën e re – “Unë jam”. Zhgënjimi i..

botuar më 25-08-20 6.10.PD
Dajan Stefanov dhe Elica Naumova

Versioni akustik i këngës "Dashuria për mua"

Këngëtarët e rinj Elica Naumova dhe Dajan Stefanov së fundmi prezantuan këngën e tyre në duet "Dashuria për mua". Pas suksesit të saj, ata vendosën të zgjerojnë mesazhin e këngës me një version akustik, i cili sjell një ndjesi më intime, të sinqertë..

botuar më 25-08-19 8.10.PD