Në fund të qershorit trioja Estonia-Bullgaria-Austria shpalli pesë prioritete të rëndësishme të programit të përbashkët 18-mujor të Këshillit të BE-së. Që atëherë e deri më sot për shkaqe të ndryshme dhe në nivele të ndryshme Bullgaria shqyrton prioritetet e kryesisë së vet të ardhshme të BE-së, e cila fillon më 1 janar të vitit të ardhshëm. Paraqitja zyrtare të programit kombëtar me prioritetet e kryesisë së ardhshme pritet të bëhet në mesin e dhjetorit. Mirëpo, qeveria që tani filloi të prezantojë disa prej pozitave, të cilat ka ndërmend të mbrojë në kuadrin e saj.

Përsa iu përket drejtimeve me prioritet për garantimin e sigurisë dhe të qëndrueshmërisë dhe për mbrojtjen e kufijve, në mbledhjen e fundit të Këshillit të Evropës, javën e kaluar, kryeministri Bojko Borisov dha të kuptohet, se Bullgaria do të jetë kundër ndërprerjes së marrëveshjes së BE-së me Turqinë për migracionin, si dhe kundër ndërprerjes së negociatave për aderimin e saj me bashkimin. Kryeministri paralajmëroi, që marrëveshja të mos ndryshohet, sepse Ankaraja e respekton dhe në sajë të sajë tani Bullgaria regjistron presion emigrantësh zero. Në rast se marrëveshja do të denoncohet, kryeministri mendon, se Bullgaria nuk do të jetë në gjendje që t’i pengojë fluksit të migrantëve të orientohet drejt Evropës. Sipas tij, të flitet për aderimin e Turqisë me BE-në në momentin e tanishëm, në të vërtetë nuk është e përshtatshme, por marrëdhëniet me të duhet të ruhen.

Pozitë, kryeministri zuri edhe mbi temën e mbrojtjes së përbashkët evropiane, temë kjo e cila ndryshohet pa u ndërprerë. Para mbledhjes së Këshillit të Evropës, javën e kaluar, në Bullgari u zhvillua një diskutim lidhur me mundësitë për krijimin e strukturave të përbashkëta mbrojtëse evropiane. Në të presidenti Rumen Radev deklaroi, se Bullgaria duhet të përpiqet, që gjatë kryesisë së BE-së të përfshijë në rendin e ditës së bashkimit problemet reale para sigurisë, si dhe të ndryshojë “qëndrimin e vet ndaj sigurisë”  dhe mesazhet, të cilët u dërgon partnerëve të saj. Mesazhi kryesor, të cilin kryeministri Bojko Borisov u drejtoi partnerëve në Bruksel mbi këtë temë, ishte, se parasë të harxhojmë miliardë për aeroplanë, tanke ose artileri, BE-ja duhet të formulojë se kush është kundërshtari. Është e domosdoshme përgjigja e pyetjes nga ku të blihet teknikë ushtarak , sepse tani Greqia orientohet te blerja e teknikës ushtarake nga SHBA-ja, pasi pesë vjet shtetet evropiane mbledhin mjete për të ndihmuar të dalë nga kriza. Në rast se ekziston një politikë e menduar dhe e balancuar e përbashkët evropiane në fushën e mbrojtje, do të jetë mirë të blihet teknikë ushtarake evropiane.

Përsa i përket Brekzitit, i cili do të ndikojë edhe mbi kryesinë bullgare të BE-së, kryeministri Borisov u shpall për kufizimin e emocioneve nga miratimi i vendimeve pragmatike, me kuptimin, se Britania e Madhe është ajo e cila del nga BE-ja, përderisa për bashkimin me më shumë rëndësi është e ardhmja e shtetasve të tij të vet. Në këtë kontekst Bullgaria do të udhëhiqet nga parimi për mbrojtjen e interesave të shtetasve të vendeve anëtare të BE-së. Sipas kryeministrit bullgar, një qëndrim i tillë ndaj problemit nuk do ta dëmtojë marrëdhëniet dypalëshe me Britaninë e Madhe, të cilat në takimin e tij në Bruksel me kryeministren Tereza Mej u vlerësuan si të mrekullueshme.

Përsa i përket temës, e cila është me prioritet për Bullgarinë, pra integrimit evropian të Ballkanit Perëndimor, kryeministri bullgar deklaroi në debatet i kushtuara perspektivës së tyre evropiane në Sofje, se do të mbrojë domosdoshmërinë e garantimit të zhvillimit ekonomik, infrastrukturor dhe të lidhjes digjitale të rajonit me BE-në.

Përgatiti në shqip: Svetllana Dimitrova