Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Muzika klasike e Vjenës dhe romantizmi nën shkopin e dirigjentit të njërit prej njohësve më të mirë të kësaj muzike

Alfred Eschwé
Foto: sofiaphilharmonic.com

Më 3 shkurt Filarmonia e Sofjes për herë të parë do të ekzekutojë nën drejtimin e Alfred Eschwé. Në programin e vet maestroja ka zgjedhur 3 vepra të krijuara në Vjenë – Uverturën ndaj “Dasmës së Figaros” nga Mocarti, Simfoninë numër 3 nga Betoveni dhe Simfoninë numër 8 “Të papërfunduar” të Franc Shubertit.

Dihet se opera e Mocartit është pranuar ftohtë në premierën e vet gjatë vitit 1786, por disa muaj më vonë, në Pragë ka pasur sukses të madh. Simfonia e tretë e Betovenit, e njohur nën emrin “Eroica” është krijuar gjatë vitit 1803 dhe në fillim i është kushtuar Napoleon Bonapartit. Një vit më vonë, kur Napoleoni është shpallur perandor, Betoveni me mërzitje e këput faqen e parë të partiturës dhe shkruan “Eroica”. Një fakt interesant  nga biografitë  e Betovenit dhe Shubertit – përfaqësuesi i fundit i shkollës klasike të Vjenës ka qenë idhull i vërtetë për Francin e ri, i cili ka mbetur në histori si romantiku i parë i Vjenës. Të dy ikin nga kjo botë me një vit diferencë midis tyre – Betoveni gjatë vitit 1827, kurse Shuberti , mezi 31 vjeç, vitin tjetër. Simfonia e tij numër 8 prej dy pjesëve konsiderohet si simfonia e parë romantike. Nuk është e ditur nëse është krijuar në variantin e njohur sot, ose kompozitori ka shkruar dhe pjesë të tjera, të humbura nga një shokë  të cilit Shuberti  i ka dhënë partiturën. Krijimi tingëllon  në mënyrë të përfunduar dhe është mes veprave më të njohura për orkestër simfonike.

Zgjedhja e këtyre krijimeve me siguri nuk është i rastit. Dirigjent kryesor për shumë vjet me radhë të  Volksoper Wien dhe dirigjent mysafir i përhershëm i Teatrit Operistik të Hamburgut, maestroja Eshve ka punuar me artistët më të mëdhenj të kohës sonë. Shumë i njohur është incizimi i “Eliksirit të Dashurisë” të Donicetit me pjesëmarrjen e Anna Netrebko dhe Rollando Villazon, si dhe pjesëmarrja e tij në shfaqjen e “Graf fon Ljuksemburg” të Leharit në Theater an der Wien. Ai dirigjoi ballon operistik të Vjenës gjatë viteve 2009 dhe 2010, si dhe ballot e Vjenës në Moskë nga viti 2003 e këtej.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

"Atje, në kthesë" - "takimi" i parë muzikor i Vasill Najdenovit dhe Vëllezërve Argirovi

Interpretuesit e njohur bullgar Vasill Najdenov dhe dyshja “Vëllezërit Argirovi” i njohim individualisht prej disa dekadash, por që tani kanë regjistruar për herë të parë një këngë të përbashkët me titull "Atje, në kthesë". Teksti, i cili tregon për..

botuar më 25-02-05 4.30.MD

B.T.R. me koncertet e para në Tokio dhe Honolulu

Viti 2024 ishte më shumë se një vit i suksesshëm për B.T.R. – një nga grupet më të rëndësishme të rock-ut bullgar festoi 30 vjetorin e tij me një turne kombëtar për përvjetorin dhe një turne evropian. Viti i ri 2025 do të jetë i mbushur me jo më pak..

botuar më 25-02-04 6.15.PD

"Përsëri me ty"

Ljubo Kirov e nis veprimtarinë e tij krijuese në vitin 2025 me një këngë të re - "Përsëri me ty", kushtuar dashurisë dhe rrugës së përbashkët të dy shpirtrave të ngushtë. "Përsëri me ty" është një tjetër single nga albumi i artistit "Zemra e Re", i cili që..

botuar më 25-02-03 6.20.PD