Zëdhënësja e Komisionit Evropian Mina Andreeva deklaroi se po monitorohet me vëmendje të posaçme skandali me shtëpitë e qeveritarëve me poste të larta në Bullgari, për ndërtimin e të cilave janë përdorur mjete evropiane. Zv/Ministri i ekonomisë Aleksandër Manolev tashmë dha dorëheqje pas publikimeve se është pronar i një vile në rajonin e qytetit Sandanski (Bullgari Jugperëndimore), ndërtimi i së cilës është financuar me para të ofruara nga Brukseli në kuadrin e një programi për ndërtimin e bujtinave në rajone rurale. Jo Komisioni Evropian është institucioni, i cili heton drejtpërsëdrejti mënyrën, në të cilën janë bërë shpenzimet e subvencioneve. Këtë e bëjnë autoritetet kompetente bullgare. “Për këtë çështje po zhvillohet hetimi dhe ne do të kontrollojmë në mënyrë të përpiktë rezultatet e tij”, shtoi Mina Andreeva.