Në një intervistë për revistën “Marrëdhëniet Ndërkombëtare” ministri i jashtëm rus Sergjej Lavrov deklaroi se pavarësisht nga situata e ndërlikuar në Evropë, marrëdhëniet ruso-bullgare kohët e fundit po zhvillohen në mënyrë mjaft dinamike dhe ka aktivizim të dialogut politik në nivel të lartë. Moska pret se dinamika pozitive e kontakteve politike do të forcojë bashkëpunimin praktik. Mundësi të shumta ofron projekti për gazsjellësin “Rryma turke”, ndërtimi i të cilit në territorin e Bullgarisë do të forcojë sigurinë e saj energjetike. Perspektiva të mira për thellimin e bashkëpunimit krijon dhe vendimi i Sofjes të rinovojë ndërtimin e centralit elektrik atomik “Belene”. Rritja e këmbimit tregtar midis të dyja vendeve është e dobët, por jemi të bindur se bashkëpunimi aktiv midis ekspertëve rusë dhe bullgarë do të kontribuojë për forcimin e lidhjeve tregtare dhe ekonomike, tha akoma në intervistë ministri Llavrov.