Humbjet vjetore prej produkteve të falsifikuara në Bullgari janë me vlerë 414 mln. euro. Kjo do të thotë – 15,5% prej shitjeve në 11 sektorë të ekonomisë, shpalli Zyra e BE-së për Pronën Intelektuale – EUIPO. Xhiroja e këtyre mallrave të rreme e privon ekonominë bullgare nga 17 851 vende pune. Më të prekur janë sektorët e medikamenteve, veshjeve, pijeve alkoolike dhe kozmetikës. Mbi 100 mln. euro është vetëm xhiroja vjetore e veshjeve dhe këpucëve të rreme të markave të mëdha në tregun bullgar. Fitimi i realizuar prej produkteve falso është më i lartë se ai i tregtisë me narkotikë. Zhvillimi i teknologjive është në favor të piraterisë dhe falsifikimeve dhe zgjeron ndjeshëm gamën e produkteve të tilla. Shumica e produkteve të rreme vijnë nga Kina, India, Turqia, Tajlanda, Malajzia dhe Pakistani. Ato hyjnë në territorin e Bashkimit Evropian përmes Hong Kongut, Emirateve të Bashkuara Arabe, Singaporit, Marokut dhe Shqipërisë.