“Me Bullgarinë nënshkruam marrëveshje për miqësi dhe bashkëpunim, e jo për probleme dhe përleshje publike. Ramë dakord se momentet e përbashkëta nga e kaluara duhet të na bashkojnë, e jo të na ndajnë”. Këtë e shkroi Kryeministri maqedonas Zoran Zaev në rrjetet sociale. “Përvojat nga komisionet historike në mbarë botën dhe Evropë tregojnë se bashkëpunimi kërkon kohë, përpjekje, durim, respekt për tjetrin dhe angazhim më të madh. Por mbi të gjitha na duhet ide e përbashkët që të ecim përpara... Për të pasur sukses duhet të piqemi së bashku, miqësia duhet të jetë e dyanshme”, janë fjalët e Zaevit.

Më herët Kryeministri bullgar Bojko Borisov deklaroi se maqedonasit duhet ende të piqen që të fitojnë datë për bisedimet për hyrje në BE dhe kjo ishte lidhur me kontestet për nacionalitetin e heroit kombëtar të të dyja vendeve Goce Dellçev.