Me 129 vota “pro”, katër “kundër” dhe një “abstenim” Parlamenti bullgar miratoi deklaratën në përkrahje të fillimit të negociatave për anëtarësim të Maqedonisë së Veriut dhe të Shqipërisë në BE, por me disa kushte të veçanta. Me dokumentin në fjalë deputetët u bënë thirrje autoriteteve në Maqedoninë e Veriut për të aplikuar në mënyrë efektive, pa vonesë dhe me vullnet të mirë Traktatin dypalësh të Miqësisë, Fqinjësisë së Mirë dhe Bashkëpunimit nga viti 2017. Sa u përket autoriteteve në Shqipëri deputetët bullgarë këmbëngulën për garantimin maksimal të së drejtës së minoritetit bullgar për ta mësuar pa pengesa administrative bullgarishten si gjuhë amtare, kudo në vend ku ka pakicë bullgare.