Ministri i punëve të jashtme i Rusisë Sergej Llavrov njoftoi, se Korporata Shtetërore Rosatom është gati të përfshihet në procedurat për zgjedhjen e realizuesit të ndërtimit të Centralit Atomik Elektrik “Belene”. Jemi me shpresë, se korporata shtetërore ruse ka shanse të mira, sepse ajo është prodhuese e reaktorëve bërthamorë dhe krijuese e teknologjisë së këtij projekti, tha zoti Llavrov pas takimit në Moskë me zëvendës kryeministren dhe ministre të punëve të jashtme të Bullgarisë Ekaterina Zaharieva. Nga ana e vet në konferencën e përbashkët për shtypin ministrja Zaharieva theksoi perspektivat e mëdha para bashkëpunimit dypalësh në fushën e industrisë ushqimore me qëllim zgjerimin e shkëmbimit. Në kuadrin e takimit ministrat e jashtëm të Bullgarisë dhe Rusisë diskutuan edhe tema të rendit të ditës botëror dhe evropian, ndër të cilat siguria evropiane, bashkëpunimi regjional dhe situata në Ballkan, zhvillimet në Siri pas operacionit ushtarak turk. Bashkëbiseduesit shprehën shqetësim në lidhje me mungesën e dialogut midis Beogradit dhe Prishtinës. Ministrja Zaharieva shprehu keqardhja nga mungesa e vendimit të Këshillit Evropian për hapjen e negociatave me Republikën e Maqedonisë së Veriut dhe Shqipërinë.

Ministri i jashtëm i Rusisë Sergej Llavrov do të bëjë vizitë në Bullgari me ftesë të zëvendës kryeministres dhe ministre të punëve të jashtme të Bullgarisë Ekaterina Zaharieva, transmetoi agjencia TASS.