Firmat amerikane investuan 2.5 miliard dollarë në ekonominë bullgare, krijuan 30 mijë vende të punës dhe janë në vendin e gjashtë ndër investitorët më të mëdhenj në vend, tha ambasadorja e ShBA-së në Bullgari Hero Mustafa. Energjetika dhe inovacionet janë sektorët kyç për zhvillimin e marrëdhënieve midis ShBA-së dhe Bullgarisë, theksuan përfaqësuesit e Dhomës Tregtare Amerikane në një takim me ambasadoren. ShBA-ja do të dërgojnë një ekip ekspertësh energjetikë, të cilët të ndihmojnë zhvillimin e Bullgarisë si qendra energjetike në Ballkan, shtoi zonja Mustafa.  Ekspertët do të vizitojnë Centralet Atomike Elektrike “Kozloduj” dhe “Belene”, si dhe depot e gazit në vend.